Hun Sen Cup ដំណាក់កាលទី៤ មាន៣គូប្រកួតគ្នាល្ងាចនេះ

2017-09-13 02:26:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់ Hun Sen Cup ដំណាក់កាលទី៤ ជើងទី២នៅល្ងាចនេះ នឹងមានការប្រកួត៣គូរួមមាន ខេត្តស្វាយរៀងប៉ះណាហ្គាវើល ក្រុមអគ្គីសនីកម្ពុជា ប៉ះ Cambodia Tiger និងខេត្តឧត្តរមានន័យប៉ះក្រុមបឹងកេត។

ការពិតទៅ ត្រូវមាន៤គូប្រកួតគ្នានៅល្ងាចនេះ ប៉ុន្តែដោយសារតែស្ទឹងត្រែងចុះចាញ់ក្រុមការពារជាតិ ទើបបណ្ដាលឱ្យសល់តែ៣គូតែម្ដងទៅ។ បើតាមលោកគ្រូ សុខ សំអាត បានសរសេរថា ៖«ការជួបគ្នាជើងទី២ ថ្ងៃ១៣ /៩/២០១៧ (ស្ទឹងត្រែងvsក្លឹបការពារជាតិ) និយាយឲ្យខ្លីត្រូវបានឆាចោលហើយដោយសាទីលានខូច។ខ្ញុំសុំទោសចំពោះកីឡាករទាំងអស់ដែលធ្វើឲ្យខាតពេលវេលាប្អូនៗ តែខ្ញុំក៏ខាតពេលដូចប្អូនៗដែរ។ ហើយអាវថ្មីនេះ គិតថាការប្រកួតចប់ទើបយកលុយឲ្យ តែការគិតមិនដូចការគូរមែន។ ប្រហែលវាជាកម្មរបស់ខ្ញុំនិងប្អូនៗហើយ។ ខ្ញុំសូមអរគុណទឹកចិត្តប្អូនខ្លាំងណាស់ ហើយអរគុណពេលវេលាដែលធ្វើឲ្យយើងស្គាល់ និងរាប់អានគ្នា។ សុំទោស»។

ចំពោះលទ្ធផលកាលពីជើងទី១កន្លងទៅ ក្រុមបឹតកេតបានយកឈ្នះលើក្រុមឧត្តរមានជ័យក្នុងលទ្ធផល ១៤-១ ក្រុមអគ្គីសនីកម្ពុជាយកឈ្នះលើក្រុម Cam-Tiger ក្នុងលទ្ធផល ៣-០ និងក្រុមណាហ្គាវើលយកឈ្នះលើក្រុមស្វាយរៀង ១៤-០៕

អត្ថបទ៖ មុន្នីរម្យ