រូបរាង​ដ៏​ទាក់ទាញ​របស់​ ​iPhone X​ ​ដែល​ ​Apple​ ​ទើប​បញ្ចេញ​ជា​ផ្លូវ​ការ​ថ្មី​ៗ​នេះ​ ​គឺ​ពិត​ជា​មិន​សរសើរ​មិន​បាន​ ​ព្រោះ​មាន​ការ​រចនា​ជា​កញ្ចក់​ទាំង​មុខ​ក្រោយ​ ​ហើយ​ផ្ទាំង​មុខ​មាន​អេក្រង់​បង្ហាញ​រូប​ពេញ​ផ្ទៃ​តែ​ម្ដង។

ប៉ុន្តែ​ទន្ទឹម​ការ​រចនា​ប្លែក​នេះ​ ​iPhone X​ ​ក៏​ត្រូវ​គេ​រក​ឃើញ​ថា​បាន​ចម្លង​ម៉ូដ​តាម​ស្មាតហ្វូន​មួយ​ម៉ូដែល​ ​ដែល​គេ​ធ្លាប់​បាន​ប្រើប្រាស់​ក្នុង​វីដេអូ​ចម្រៀង​បទ​ ​Boyfriend​ ​របស់​ ​Justin Bieber​ ​ដែល​ចេញ​តាំង​ពី​ឆ្នាំ​ ​២០១២​ ​មក​ម្ល៉េះ។

អេក្រង់​ iPhone X ជា​ប្រភេទ​អេក្រង់​ OLED មាន​ទំហំ​ ៥,៨ អ៊ីញ មាន​បច្ចេកវិទ្យា​បង្ហាញ​រូប​ Super Retina Display មាន​កម្រិត​ Resolution 2436x1125 ​ដែល​មាន​ដង់ស៊ីតេ​រូបភាព​ដល់​ ៤៥៨ ភីកសែល​ក្នុង​មួយ​អ៊ីញ។ អេក្រង់​នេះ​ក៏​មាន​បំពាក់​បច្ចេកវិទ្យា​ True Tone Display ដែល​អាច​បង្ហាញ​រូបភាព​ផ្អែក​ទៅ​តាម​បរិយាកាស​ជុំវិញ។

iPhone X

• អេក្រង់​ប្រភេទ​ ​OLED​ ​ទំហំ​ ​៥,៨​ ​អ៊ីញ​ ​គ្មាន​គែម
• ផ្ទៃ​មុខ​ក្រោយ​ផលិត​ស្រោប​ដោយ​កញ្ចក់
• កាមេរ៉ា​ភ្លោះ​ ​១២​ ​មេហ្គាភិចសែល
• ដំណើរការ​ដោយ​បន្ទះ​ឈីប​ ​A11​ ​
• បើក​ឲ្យ​កុម្ម៉ង់​ទិញ​ពី​ថ្ងៃ​ ​២៧​ ​តុលា​ ​២០១៧​ ​ជា​មួយ​តម្លៃ​ចាប់​ពី​ ​៩៩៩​ ​ដុល្លារ (បរទេស) ៕

អត្ថបទ៖ រដ្ឋ