ពិត​មែន​អត់ កសិករ​ខ្មែរ ដាំ​ប៉ោម​ ​កំពុង​ផ្លែ​ចង់​បាក់​ដើម?

  • 2017-09-14 06:03:20
  • ចំនួនមតិ

ចន្លោះមិនឃើញ

កសិករ​ខ្មែរ​ម្នាក់ បាន​បង្ហោះ​វីដេអូ ដំណាំ​ប៉ោម​ដែល​ទើប​តែ​ដាំ​បាន ១២​ខែ​ ឥឡូវ​នេះ​កំពុង​តែ​មាន​ផ្លែ​ពេញ​ដើម​តែ​ម្ដង។ នេះបើ​តាម​គណនី​ហ្វេស​ប៊ុក ឈ្មោះ Som Oeun Kim ។

តាម​រយៈ​វីដេអូ​ខ្លី​មួយ បាន​បង្ហាញ​ដើម​ប៉ោម​តូច​ៗ​ជា​ច្រើន​ដើម កំពុង​ចេញ​ផ្លែ​ផ្កា​ជា​ច្រើន គួរ​ឱ្យ​ចាប់​អារម្មណ៍​ជា​ខ្លាំង។ យ៉ាង​ណា​ក្ដី កសិករ​រូប​នោះ​មិន​បាន​បញ្ជាក់​ថា ដំណាំ​ប៉ោម​ទាំង​នោះ​ស្ថិត​នៅ​ខេត្ត​ណា​ឡើយ។ តាម​រយៈ​វីដេអូ​នោះ បាន​ធ្វើ​ឱ្យ​មាន​ការ​ចាប់​អារម្មណ៍​ជា​ខ្លាំង ពី​អ្នក​ប្រើ​បណ្ដាញ​សង្គម​ក្នុង​ប្រទេស​កម្ពុជា​ទៀត​ផង។

ទោះបីជាយ៉ាងនេះក្ដី មានអ្នកលេងបណ្ដាញសង្គមមួយចំនួន ហាក់មិនសូវជឿថាពិតជាមានមែននៅកម្ពុជា។ កាន់តែគួរឱ្យចាប់អារម្មណ៍វីដេអូនោះ បង្ហោះមិនបានប៉ុន្មានផង ស្រាប់តែម្ចាស់គណនីហ្វេសប៊ុកនោះ លុបចោលទៅវិញភ្លាមៗផងដែរ៕


អត្ថបទ៖ ថោ ច័ន្ទឬទ្ធិ