មិនធម្មតា! កុមារី ឈូឈូ មានផលិតកម្មជាច្រើនដណ្ដើមគ្នាកក់ទុកធ្វើតួឯកពេលធំឡើង

2017-09-15 07:46:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែមានរូបរាងស្រស់ស្អាតតាមបែបធម្មជាតិតាំងពីនៅតូច កុមារី អាង សុជាតា ហៅ ឈូឈូ ត្រូវបានផលិតកម្មជាច្រើនបានទាក់ទងមកសុំកក់តម្លៃខ្លួននាងទុកធ្វើជាតួឯកពេលធំឡើង។

ជុំវិញបណ្ដាផលិតកម្មមួយចំនួនដណ្ដើមគ្នាមកកក់តម្លៃខ្លួនទុកធ្វើតួឯកពេលធំឡើងនេះដែរក្មេងតូច ឈូឈូ បានប្រាប់ Sabay ថា អំឡុងពេលនេះមានផលិតកម្មមួយចំនួនកំពុងតែព្យាយាមទាក់ទងមកចរចាកក់តម្លៃខ្លួនទុកធ្វើតួឯកពេលធំឡើង តែនាងមិនទាន់ព្រមជាមួយផលិតកម្មណាមួយនៅឡើយទេព្រោះមិនទាន់ផុតកុងត្រាជាមួយផលិតកម្មមហាហង្ស។

ឈូឈូ បន្តថា៖ "ពេលនេះមិនទាន់សម្រេចចិត្តកុងត្រាឲ្យផលិតកម្មណាមួយទេបង ព្រោះពេលនេះខ្ញុំជាប់កុងត្រាជាមួយផលិតកម្មមហាហង្សរយៈពេល៤ ឆ្នាំ"។

គួរបញ្ជាក់ថា កុមារី អាង សុជាតា ហៅ ឈូឈូ មានអាយុ១៣ ឆ្នាំ រៀននៅថ្នាក់ទី៨ នៅសាលាប៊ែលធី។ ចូលប្រលូកសិល្បៈមុនដំបូងនៅអាយុ ៥ តាមរយៈអ្នកមីងរបស់ខ្លួន តែប្រលូកមិនពេញលេញនោះទេ។ ចំណែកឯភាពយន្តដែលធ្លាប់សម្ដែងកន្លងមកមានដូចជារឿង "ក្មេងទី៦" “បំភ្លេចមិនបាន" “អនុស្សាវរីយ៍ថ្ងៃចូលឆ្នាំ" “៣០ថ្ងៃ" “កញ្ចក់" និងជាច្រើនរឿងទៀត៕