Beckham ជាតារាបាល់ទាត់ម្នាក់គត់ឈ្នះពាន Teen Choice Awards ហើយឈ្នះ៣ដង

2017-09-20 23:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់ Teen Choice Awards ពានរង្វាន់ឆ្នើមប្រចាំឆ្នាំដែលផ្សាយលើកញ្ចក់ទូរទស្សន៍ Fox។ វាជាពានរង្វាន់ប្រចាំឆ្នាំដ៏ធំសម្រាប់ជាកិត្តិយសដល់តារាភាពយន្ត តារាចម្រៀង តន្ត្រី ពិធីករ ពិធីការិនី តារាម៉ូដែល និងអ្នកកីឡាដែលអ្នកគាំទ្រអាយុចាប់ពី១៣ឆ្នាំដល់១៩ឆ្នាំមានសិទ្ធិបោះឆ្នោតជ្រើសរើសតារាសំណព្វចិត្តរបស់គេ។

David Beckham (រូបថត៖ harpersbazaar)

ពានរង្វាន់កិត្តិយសនេះត្រូវបានបង្កើតឡើងជាផ្លូវការកាលពីឆ្នាំ១៩៩៩ដែលជាស្នាដៃរបស់ផលិតករ Bob Bain និង Michael Burg រួមគ្នាបង្កើតសម្រាប់តែយុវជនជារៀងរាល់ឆ្នាំ។ ចាប់ពីឆ្នាំ១៩៩៩ដល់២០០៤មិនមានផ្នែកកីឡាទេ។ ឆ្នាំ២០០៥ផ្នែកកីឡាត្រូវបានដាក់ឲ្យបោះឆ្នោតហើយកីឡាករហែលទឹកអាមេរិក Michael Phelps និងកីឡាការិនីបាល់ទាត់អាមេរិក Mia Hamm ជាអ្នកឈ្នះដំបូងគេ។

ឆ្នាំ២០០៦ ក៏មានផ្នែកកីឡាត្រូវបានបោះឆ្នោតដោយតារាបាល់ទាត់ David Beckham និងកីឡាការិនីវាយកូនបាល់រុស្ស៊ី Maria Sharapovaជាអ្នកឈ្នះ។ ឆ្នាំ២០១២ និងឆ្នាំ២០១៣ David Beckham បានឈ្នះទៀត។ ដូច្នេះតារាបាល់ទាត់អង់គ្លេសរូបនេះបានក្លាយជាកីឡាករបាល់ទាត់តែម្នាក់គត់ដែលឈ្នះពានរង្វាន់យុវជននេះ ហើយឈ្នះរហូតដល់៣ដងថែមទៀត។ ចំពោះតារាឆ្នើមជម្រើសជាតិព័រទុយហ្គាល់ Cristiano Ronaldo ជាប់ឈ្មោះប្រកួតប្រជែង៣ដង (២០១៥ ២០១៦ និង២០១៧) ប៉ុន្តែមិនទាន់ឈ្នះម្ដងណាឡើយ។

ពេលចូលរួមទទួលពាន Teen Choice Awards (រូបថត៖ gettyimages)

ឆ្នាំ ២០០៦

កីឡាករបាល់ទាត់អង់គ្លេស David Beckham ឈ្នះ
កីឡាការិនីវាយកូនបាល់ Maria Sharapova ឈ្នះ

ឆ្នាំ ២០០៧ ដល់២០១១ មិនមានផ្នែកកីឡាដាក់ឲ្យបោះឆ្នោតទេ

ឆ្នាំ២០១២

កីឡាករបាល់ទាត់ David Beckham ឈ្នះ (ដៃគូប្រកួតមាន Kobe Bryant, Albert Pujols, Tim Tebow និងShaun White)
កីឡាការិនីវាយកូនបាល់អាមេរិក Serena Williams ឈ្នះ

ឆ្នាំ២០១៣

កីឡាករបាល់ទាត់ David Beckham ឈ្នះ (ដៃគូប្រកួតមាន LeBron James, Colin Kaepernick, Michael Phelps និងShaun White)
កីឡាការិនីកាយសម្ព័ន្ធអាមេរិ Gabby Douglas ឈ្នះ

ឆ្នាំ២០១៤