ពិបាករឿងស្នេហាណាស់មែនទេ? រឿងកូរ៉េទាំង១០នេះអាចជួយបាន!

2017-09-19 04:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលខ្លះក្រោយមនុស្សម្នាក់បែបបាក់ស្នេហា ពួកគេមិនដឹងថាត្រូវធ្វើអ្វីខ្លះទេ ក្រៅពីពិបាកចិត្ត យំស្ទើររាល់ថ្ងៃ។ ប៉ុន្តែជីវិតមិនត្រូវចុះចាញ់ត្រឹមរឿងនេះទេ ព្រោះនៅមានរឿងច្រើនទៀតត្រូវធ្វើ។ តាមរយៈអត្ថបទថ្ងៃនេះ នឹងនាំអារម្មណ៍ប្រិយមិត្តទៅស្គាល់ រឿងភាគកូរ៉េប្រចាំឆ្នាំ ២០១៧ ចំនួន ១០រឿងដែលល្បីល្បាញមិនធម្មតា និងអាចធ្វើឲ្យអ្នកបំភ្លេចរឿងចុកចាប់ពីការបែកបាក់ស្នេហាបាន ក្រោយទស្សនា៕

១. រឿង «Suspicious Partner»

រឿងភាគមួយនេះមិនមែនមានតែឈុតឆាកមនោសញ្ចេតនាទេ ប៉ុន្តែវាក៏មានឈុតកំប្លែង និងរឿងរ៉ាវអាថ៌កំបាំងជាច្រើនទៀតដែរ។

២. រឿង «Hit the Top»

ប្រសិនប្រិយមិត្ត ចង់សើចសប្បាយរំសាយចិត្តពីទុក្ខសោកស្នេហា រឿងកូរ៉េមួយនេះអាចជួយបាន។ ភាពយន្តមួយនេះ ជាប្រភេទរឿងកំប្លែង បែបលក្ខណៈគ្រួសារ និងជម្នះឧបសគ្គដើម្បីសម្រេចក្ដីសុបិនរបស់ខ្លួន។

៣. រឿង «Tomorrow with You»

រឿងនេះជាប្រភេទរឿងបែបអភិនិហា និងសាច់រឿងប្លែកពីរឿងផ្សេងៗដែលអ្នកទស្សនា។ ថ្វីត្បិតមានឈុតឆាកមនោសញ្ចេតនាច្រើន ប៉ុន្តែវាអាចនឹងធ្វើឲ្យអ្នកមើលមានអារម្មណ៍ល្អ ក្រោយទស្សនា។

៤. រឿង «Introverted Boss»

ភាពយន្តមួយនេះ និយាយពីតួប្រុស ដែលជានាយកក្រុមហ៊ុនដែលពូកែអៀន ហើយគ្រប់ពេលវេលា ផ្ដោតអារម្មណ៍តែជាមួយការងារមិនខ្វល់នឹងអ្វីទាំងអស់។ ជានិស្ស័យ លោកបានជួបបុគ្គលិកម្នាក់ ដែលនារីម្នាក់នោះហើយ គឺជាអ្នកដែលអាចជួយនាយកក្រុមហ៊ុនមហាសែនអៀននេះចេញពីពិភពលាក់មុខ។

៥. រឿង «Strong Woman Do Bong Soon»

តួស្រី Do Bong Soon ធ្លាប់មានស្នេហាចុកចាប់ ប៉ុន្តែនាងមិនចុះចាញ់នឹងព្រហ្មលិខិតឡើយ។ ក្រោយមកនាងក៏បានជួបតួប្រុសសង្ហាម្នាក់ដែលគួរឲ្យស្រឡាញ់ ហើយស្មោះស្នេហ៍ទៀត។

៦. រឿង «My Secret Romance»

បើនិយាយពីរឿងនេះវិញ ក៏មិនធម្មតាដែរ ប្រិយមិត្តនឹងមានអារម្មណ៍ស្រស់ស្រាយ ព្រោះរឿងនេះ បានបង្កប់នូវអត្ថន័យមនោសញ្ចេតនាជ្រាលជ្រៅជាច្រើន។ ប្រសិនអ្នកធ្លាប់ដួលព្រោះរឿងស្នេហា ដូច្នេះគួរក្រោកឈរជាថ្មី សម្លឹងមើលទៅមុខ ព្រោះមនុស្សមានផ្លូវច្រើន ហើយចាប់ផ្ដើមបន្តក្ដីស្រមៃជាថ្មី។

៧. រឿង «My Sassy Girl (2017)»

ភាពយន្តភាគបែបបុរាណមួយនេះ សម្បូរឈុតឆាកប៉ះទង្គិចពាក្យសម្ដី និងបង្កប់អាថ៌កំបាំងជាច្រើន ប៉ុន្តែមានវគ្គជាច្រើនបានបង្ហាញពីទិដ្ឋភាពស្រស់បំព្រងជីវភាពរស់នៅដ៏រីករាយរបស់ជនជាតិកូរ៉េនាសម័យ Joseon។

៨. រឿង «Saimdang: Light's Diary»

គ្មានអ្វីឈឺចាប់ជាងស្នេហារបស់ តួស្រី Shin Saimdang និងតួប្រុស Lee Gyeom ទេ។ ប៉ុន្តែ Lee Gyeom បានបង្ហាញគំរូឲ្យឃើញពីវិធីយកឈ្នះរឿងចុកចាប់ទាំងឡាយ។

៩. រឿង «Fight For My Way»

ពេលខ្លះជីវិតពិតជាជូរចត់ ប៉ុន្តែអ្នកក៏ត្រូវស៊ូ និងប្រឈមមុខដោយគ្មានលក្ខខណ្ឌ។ ក្នុងរឿងនេះមានរឿងហួសចិត្តច្រើន បែបកំប្លែង និងធ្វើឲ្យយើងជឿថា គ្មានរឿងអ្វីដែលយើងមិនអាចធ្វើបានឡើយ។

១០. រឿង «The Liar and His Lover»

គ្មានអ្វីឈឺចាប់ជាងអ្នកដែលអ្នកស្រឡាញ់ លួចក្បត់នៅនឹងមុខទេ។ តួប្រុស Kang Han Gyul ត្រូវជម្នះគ្រប់រឿង ដើម្បីព្យាបាលចិត្តសាជាថ្មី។ ប៉ុន្តែទេវតាបានប្រទានមនុស្សស្រីម្នាក់ដែលអាចជួយស្រោចស្រង់បុរសកម្សត់បាន គឺស្រីស្អាត Yoon So Rim។ ទម្រាំស្នេហាអ្នកទាំង ២ឈានដល់ត្រើយ តួស្រីត្រូវទ្រាំនឹងបញ្ហាច្រើនណាស់៕

ប្រភព៖ ilovekstars ប្រែសម្រួល៖ យី សុធារី