ទីបំផុត! ខ្មែរ១ជីវិត សម្រេចលុបបទ "Look in My Eyes" ចេញពី Facebook
- 2017-09-17 15:46:19
- ចំនួនមតិ 0 | ចំនួនចែករំលែក 0
ទីបំផុត! ខ្មែរ១ជីវិត សម្រេចលុបបទ "Look in My Eyes" ចេញពី Facebook
ចន្លោះមិនឃើញ
មុននេះបន្តិចគូស្នេហ៍អ្នកនាង ចន ច័ន្ទលក្ខិណា លោក ហេង ឡុង ដែលជាសមាជិកដ៏សកម្មមួយរូបក្នុង "សមាគមសិល្បករខ្មែរ" បានបង្ហោះវីដេអូមួយរៀបរាប់ពីចំណាត់ការរបស់សមាគម ទៅលើសិល្បកររ៉េប ខ្មែរ១ជីវិត ជុំវិញបទ "Look in My Eyes" របស់លោក ដែលត្រូវមហាជនជាច្រើនរិះគន់ថា បង្កប់ដោយពាក្យមិនសមរម្យ និងប៉ះពាល់ដល់តម្លៃសិល្បករខ្មែរ។
លោក ហេង ឡុង បានឲ្យដឹងថា ការពិតលោក ឡេង សុវណ្ណតារា ហៅ ខ្មែរ១ជីវិត គឺជាកូនខ្មែរដែលរស់នៅក្រៅប្រទេស និងជាអ្នកចម្រៀងឯករាជ្យ ដែលផលិតចម្រៀងជាលក្ខណៈបុគ្គល មិនស្ថិតក្រោមច្បាប់ របស់ក្រសួងវប្បធម៌ និងវិចិត្រសិល្បៈ ឬ "សមាគមសិល្បករខ្មែរ" ឡើយ។
ដោយសារតែចម្រៀងដដែលនេះ មានអត្ថន័យប៉ះពាល់ដល់តម្លៃសិល្បករធ្ងន់ធ្ងរពេក ទើប"សមាគមសិល្បករខ្មែរ" បានស្នើទៅអ្នកចម្រៀងរ៉េបរូបនេះ ឲ្យលុបបទខាងលើចេញពីបណ្ដាញសង្គមរបស់លោក។
ពេលនេះ លោក ឡេង សុវណ្ណតារា បានធ្វើតាមការស្នើ សម្រេចលុបបទ "Look in My Eyes" នេះចេញពី Facebook ហើយ៕