យុវតីខ្មែរកម្ពុជាក្រោម២រូប ទទួលបានអាហារូបករណ៍រៀនជំនាញសិល្បៈ
- 2017-09-18 04:06:37
- ចំនួនមតិ 0 | ចំនួនចែករំលែក 0
យុវតីខ្មែរកម្ពុជាក្រោម២រូប ទទួលបានអាហារូបករណ៍រៀនជំនាញសិល្បៈ
ចន្លោះមិនឃើញ
ក្នុងចំណោមសិស្សដាក់ពាក្យចន្លោះពី៥០ ទៅ១៥០នាក់ អង្គការសិល្បៈខ្មែរអមតៈបានវាយតម្លៃនិងជ្រើសរើសតែ១០រូបតែប៉ុណ្ណោះ ដើម្បីផ្ដល់អាហារូបករណ៍ឱ្យ ហើយពួកគេនឹងបានរៀននៅជំនាញដែលខ្លួនពេញចិត្ត។ ក្នុងចំណោមសិស្សទាំង១នាក់ មានយុវតីខ្មែរកម្ពុជាក្រោម២នាក់។
អ្នកសម្របសម្រួលជាន់ខ្ពស់កម្មវិធីសិល្បៈក្នុងអង្គការសិល្បៈខ្មែរអមត កញ្ញា យ៉ុន សុខន បានប្រាប់ Sabay ថា ការផ្ដល់អាហារូបករណ៍នេះបើកជារៀងរាល់ឆ្នាំ ក្នុង១ឆ្នាំ ជ្រើសរើសតែ១០នាក់ប៉ុណ្ណោះ ។ អ្នកដាក់ពាក្យអាចស្នើសុំរៀនជំនាញសិល្បៈ និងមិនមែនសិល្បៈ(ជំនាញផ្សេងៗ) ដែលខ្លួនពេញចិត្ត។ កញ្ញាបញ្ជាក់ថា ដើម្បីអាចទទួលបានអាហារូបករណ៍នេះ បេក្ខជនត្រូវបង្ហាញពីឆន្ទៈរបស់ខ្លួនឱ្យបានច្បាស់លាស់ក្នុងការរៀនជំនាញដែលខ្លួនស្នើ។
“ទម្រាំគាត់អាចទទួលបានអាហារូបករណ៍ គឺត្រូវជម្រុះទៅលើពាក្យស្នើសុំប្រហែលជា៥០ ទៅ៦០% សិន បន្ទាប់មកយើងឱ្យគាត់ធ្វើការជាក្រុម ព្រោះយើងចង់ឃើញសមត្ថភាពទំនាក់ទំនង និងភាពជាអ្នកដឹកនាំរបស់គាត់ បន្ទាប់មកគឺជាវគ្គសម្ភាសន៍ពីគោលបំណង និងឆន្ទៈរបស់ពួកគាត់ ហើយជម្រុះតែម្ដង”។
សិស្សទទួលបានអាហារូបករណ៍មួយរូបកញ្ញា សួង ស្រីរ័ត្ន មកពីកម្ពុជាក្រោយ បានឱ្យដឹងថា ខ្លួនសប្បាយចិត្តយ៉ាងខ្លាំង ពេលទទួលបានអាហារូបករណ៍រៀនឧបករណ៍ពិណ។ ស្រីរ័ត្ន ថាបន្ទាប់ពីបញ្ចប់ការសិក្សានៅភ្នំពេញនាងនឹងយកចំណេះនេះទៅបង្រៀនក្មេងៗនៅក្នុងភូមិរបស់នាង។
“អ្នកនៅភូមិខ្ញុំអត់សូវមានក្មេងស្រីរៀនទេ ហើយខាងភ្លេងរឹតតែអត់ទៀតហើយ ជាពិសេសឧបករណ៍ពិណ។ ខ្ញុំស្រលាញ់ឧបករណ៍នេះណាស់ ពេលដែលខ្ញុំរៀនចប់ខ្ញុំនឹងទៅស្រុកកំណើតខ្ញុំ យកអ្វីដែលខ្ញុំចេះទៅបង្រៀនក្មេងៗនៅទីនោះ”។
ចំណែកយុវតី.................
សិស្សទាំង១០នាក់ដែលទទួលបានអាហារូបករណ៍ពីអង្គការសិល្បៈខ្មែរអមត ទាំង១០នាក់ មានស្រី៥នាក់ ប្រុស៥នាក់ មកពីតាមបណ្ដារាជធានី និងខេត្តផ្សេងៗនៅក្នុងប្រទេសកម្ពុជា។ អង្គការសិល្បៈខ្មែរអមត ធ្វើការទៅលើការលើកស្ទួយសិល្បៈ និងផ្សព្វផ្សាយទម្រង់សិល្បៈទាំងបុរាណនិងសម័យនៅក្នុងប្រទេសកម្ពុជា។