យប់មិញ បើ វេស្ទើន គ្មានកាតក្រហម ភាគរយស្មើខ្ពស់បំផុតសម្រាប់ប៉ូលិស
- 2017-09-18 03:49:54
- ចំនួនមតិ 0 | ចំនួនចែករំលែក 0
យប់មិញ បើ វេស្ទើន គ្មានកាតក្រហម ភាគរយស្មើខ្ពស់បំផុតសម្រាប់ប៉ូលិស
ចន្លោះមិនឃើញ
លោក នុត សូនី គ្រូបង្វឹកក្រុមប៉ូលិសមើលឃើញថា ការប្រកួតយកឈ្នះទៅលើក្រុម វេស្ទើន ៣-២ កាលពីយប់មិញនៅទីលានស្តាតចាស់ គឺជាជំនួបដ៏តានតឹង លោកគិតថា ប្រសិនបើ វេស្ទើន គ្មានកីឡាករទទួលបានកាតក្រហមទេនោះក្រុមរបស់លោកក៏មិនអាចយកឈ្នះនៅចុងម៉ោងបានដែរ។
ក្រុមភ្ញៀវ វេស្ទើន មានកីឡាករទទួលបានកាតក្រហមនៅពាក់កណ្ដាលវគ្គទី២។ ទាក់ទងការប្រកួតគ្រូបង្វឹករូបនេះបាននិយាយថា វេស្ទើនមានការរៀបចំបានល្អ កីឡាករលេងដោយឆន្ទៈ។ និយាយតាមត្រង់លោកពិតជាមើលឃើញថាប្រសិនបើ វេស្ទើន គ្មានកីឡាករទទួលបានកាតក្រហម នោះក្រុមរបស់លោកពិតជាមិនអាចយកឈ្នះបានឡើយ ក្នុងការគិតរបស់លោកភាគរយស្មើគ្នាគឺខ្ពស់បំផុត។
ចំពោះលទ្ធផលឈ្នះទៅលើ វេស្ទើន ៣-២ លោកពិតជាសប្បាយចិត្ត ដោយសារកូនក្រុមរបស់លោកហាក់មានការប្រឹងប្រែងក្នុងការប្រកួតអស់ពីសមត្ថភាព និងលេងតាមការរៀបចំរបស់លោក។ ក្លឹបប៉ូលិសស្ថិតនៅលេខ ៧ ក្នុងតារាងលីគកំពូលកម្ពុជា ដោយមាន ២៣ ពិន្ទុឆ្លងកាត់ការប្រកួត ១៦ សប្ដាហ៍៕