ប្រទេសទាំង៥ ដែលមានបុណ្យជាតិ ក្នុងអំឡុងពេលបុណ្យភ្ជុំបិណ្ឌកម្ពុជា

2017-09-19 01:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពលរដ្ឋខ្មែរត្រូវបានអនុញ្ញាតឲ្យឈប់សម្រាកចំនួន ៣ថ្ងៃ ចាប់ពីថ្ងៃទី ១៩ ដល់ថ្ងៃទី ២១ ខែកញ្ញា ក្នុងឱកាសបុណ្យភ្ជុំបិណ្ឌនេះ មានប្រទេសចំនួន ៥ ដែលប្រារព្ធបុណ្យជាតិក្នុងអំឡុងពេលនេះដែរ។

១.ប្រទេសស៊ីលី៖ ប្រារព្ធ "ពិធីបុណ្យកងទ័ពជាតិឈីលី" ក្នុងថ្ងៃទី ១៩ខែកញ្ញា។ ពិធីនេះធ្វើឡើងដើម្បីរំលឹកគុណដល់កងទ័ពប្រជាជាតិមួយនេះ។

២.ប្រទេសហ្គាណា៖ ក្នុងថ្ងៃទី ២១កញ្ញា ប្រទេសមួយនេះ នឹងប្រារព្ធ "ថ្ងៃរបស់ស្ថាបនិករដ្ឋហ្គាណា" ដើម្បីរំលឹកដល់ថ្ងៃខួបកំណើតរបស់លោក Osagyefo Dr. Kwame Nkrumah ប្រធានាធិបតីទី១ របស់ប្រទេសមួយនេះ ដែលបានតស៊ូ រហូតទទួលបានឯករាជ្យផុតពីនឹមត្រួតត្រារបស់អង់គ្លេស ក្នុងឆ្នាំ ១៩៥៧។

៣.ប្រទេសអាមេនី៖ នៅថ្ងៃទី ២១ ខែកញ្ញាខាងមុខ ប្រទេសមួយនេះនឹងប្រារព្ធពិធីបុណ្យឯករាជ្យជាតិ ដែលរំលឹកដល់ថ្ងៃប្រទេសមួយនេះបានរួចផុតចេញពីការត្រួតត្រារបស់សហភាពសូវៀត និងក្លាយជារដ្ឋឯករាជ្យតាំងពីឆ្នាំ ១៩៩១មក។

៤.ប្រទេសអ៊ីស្រាអែល៖ ប្រទេសក្នុងតំបន់មជ្ឈិមបូព៌ាមួយនេះ នៅថ្ងៃទី ២១កញ្ញា នឹងប្រារព្ធ"បុណ្យ Rosh Hashanah” ដែលជាថ្ងៃចូលឆ្នាំថ្មី ថ្ងៃកាត់ទោសរបស់ព្រះ ថ្ងៃចងចាំ និងថ្ងៃដ៏ស័ក្ដិសិទ្ធិសម្រាប់ជនជាតិជ្វីស។

៥.ប្រទេសម៉ាល់តា៖ ដូចប្រទេស Armenia ថ្ងៃទី ២១កញ្ញាជាបុណ្យឯករាជ្យរបស់ប្រទេសមួយនេះ។ តែខុសពី Armenia ដែលទទួលឯករាជ្យពីសហភាពសូវៀត Melta ទទួលឯករាជ្យពីអង់គ្លេសក្នុងថ្ងៃទី ២១កញ្ញាឆ្នាំ ១៩៦៤៕