នេប៉ាល់នឹងវាស់ភ្នំអេវើរ៉េសឡើងវិញ ក្រោយសង្ស័យបាត់កម្ពស់អំឡុងគ្រោះរញ្ជួយដីឆ្នាំ ២០១៥
- 2017-09-18 12:33:33
- ចំនួនមតិ 0 | ចំនួនចែករំលែក 0
នេប៉ាល់នឹងវាស់ភ្នំអេវើរ៉េសឡើងវិញ ក្រោយសង្ស័យបាត់កម្ពស់អំឡុងគ្រោះរញ្ជួយដីឆ្នាំ ២០១៥
ចន្លោះមិនឃើញ
រដ្ឋាភិបាលប្រទេសនេប៉ាល់និយាយកាលពីពេលថ្មីៗថា នេប៉ាល់នឹងចាប់ផ្តើមវាស់ភ្នំ អេវើរ៉េស ឡើងវិញ ដើម្បីត្រួតពិនិត្យមើលកម្ពស់របស់ភ្នំខ្ពស់ជាងគេក្នុងលោកនេះថាតើវាត្រូវបានបាត់កម្ពស់ឬយ៉ាងណាក្រោយមានគ្រោះរញ្ជួយដីកើតមានក្នុងប្រទេសកាលពីឆ្នាំ ២០១៥ កន្លងទៅ។
កម្ពស់ផ្លូវការរបស់ភ្នំ អេវើរ៉េស ដែលស្ថិតក្នុងជួរភ្នំហិមាល័យព្រំដែនប្រទេសចិន និងនេប៉ាល់គឺ ៨ ៨៤៨ ម៉ែត្រត្រូវបានកត់ត្រាដំបូងដោយក្រុមការងារស្ទាបស្ទង់របស់ឥណ្ឌាក្នុងឆ្នាំ ១៩៤៥។ ដោយឡែកក្រុមអ្នកស្រាវជ្រាវមួយចំនួនទៀតក៏បានវាស់កម្ពស់របស់វាថ្វីបើកម្ពស់កាលពីឆ្នាំ ១៩៤៥ ត្រូវបានគេទទួលស្គាល់យ៉ាងទូលំទូលាយក៏ដោយ។
លោក Ganesh Prasad Bhatta ប្រធាននាយកដ្ឋានស្ទង់មតិរបស់រដ្ឋាភិបាលនិយាយថា ប្រទេសនេប៉ាល់មិនដែលវាស់ភ្នំ អេវើរ៉េស ឡើយទោះបីជាភ្នំខ្ពស់របស់ពិភពលោកនេះមានក្នុងទឹកដីរបស់ខ្លួនក៏ដោយ ។ ដូច្នេះហើយទើបយើងចង់បង្ហាញដល់ប្រជាជនយើងថា នេប៉ាល់ក៏មានលទ្ធភាពវាស់ភ្នំ អេវើរ៉េសដែរ។ លោក Bhatta បន្តថា ក្រុមអ្នកជំនាញនេប៉ាល់ និងបរទេសបានចាប់ផ្ដើមរកវិធីសាស្ត្រថ្មីចំពោះការវាស់ស្ទង់។ ក្រុមការងារ Sherpas នឹងបំពាក់ឧបករណ៍វាស់វែងលើកំពូលភ្នំអេវើរ៉េសនៅខែមេសាឬខែតុលាអំឡុងពេលអាកាសធាតុអំណោយផលលើភ្នំអេវើរ៉េស។
គួរបញ្ជាក់ថា កាលពីឆ្នាំ ២០១៥ ប្រទេសនេប៉ាល់ជួបគ្រោះរញ្ជួយដីកម្រិត ៧,៨ វ៉ិចទ័រធ្វើឱ្យមានការបំផ្លិចបំផ្លាញទ្រង់ទ្រាយធំពាសពេញប្រទេស និងបានសម្លាប់មនុស្ស ១៨ នាក់នៅឯជំរំមូលដ្ឋានរបស់ភ្នំ អេវើរ៉េស៕