បន្ទាប់​ពី Galaxy S8, S8 Plus និង Note 8 បាន​ចេញ​លក់​លើ​ទីផ្សារ​បន្ត​បន្ទាប់​គ្នា កាល​ពី​ពេល​ប៉ុន្មាន​ខែ​ថ្មីៗនេះ Samsung គ្រោង​បញ្ចេញ​​ស្មាតហ្វូន​​អេក្រង់​ពេញ​គ្មាន​គែម កាមេរ៉ា​ភ្លោះ​មុខ-ក្រោយ​​មួយ​ម៉ូឌែល​ទៀត​គឺ Galaxy S9 ដែល​រំពឹង​ថា អាច​នឹង​ប្រកាស​ចេញ​លក់​នៅ​ឆ្នាំ ២០១៨។

រូប​រាង​គំរូ​នេះ​ត្រូវ​បាន​​ផលិត​ឡើង​ដោយ​​​លោក Mushin M.Belaal Auckburully និង​ក្រុម​អ្នក​ឌឺហ្សាញ​មួយ​ក្រុម​ទៀត​ឈ្មោះ DBS Designing បាន​បញ្ចេញ​វីដេអូ​យ៉ាង​ខ្លី បង្ហាញ​ពី Galaxy S9 ព្រម​ទាំង​​​​ព័ត៌មាន​ខ្លះៗ​ពី​​​លក្ខណៈ​សម្បត្តិ​របស់​វា​ផង​ដែរ ​ដូច​ខាង​ក្រោម៖

• បំពាក់​អេក្រង់​ប្រភេទ Infinity Dispaly
• បច្ចេកវិទ្យា​ស្កេន​ខ្ចៅ​ដៃ​ក្រោម​អេក្រង់
• កម្រិត​បង្ហាញ​រូប​ភាព QHD(2560x1440 ភិចសែល)
• កាមេរ៉ា​ភ្លោះ​មុខ​ទំហំ ១៣ មេហ្គា​ភិចសែល
• កាមេរ៉ា​ភ្លោះ​ក្រោយ​ទំហំ ១៨ មេហ្គា​ភិចសែល
• RAM 6GB
• ទំហំ​ផ្ទុក​ក្នុង​ម៉ាស៊ីន 128GB
• ថាមពល​ថ្ម ៣ ៦០០ មីលីអំពែ
• ​ប្រើ​រន្ធ​ដោត​ប្រភេទ USB Type-C។

រំឮក​ដែរ​ថា បច្ចុប្បន្ន​ក្រុមហ៊ុន SAMSUNG Electronics និង​ដៃ​គូ​ផលិត​បន្ទះ​ឈីប​ Qualcomm បាន​ចាប់​ផ្ដើម​ធ្វើ​ការ​ជាមួយ​​បន្ទះ​ឈីប​ជំនាន់​ថ្មី Snapdragon 845 សម្រាប់​ Galaxy S9 ហើយ​ក្រោយ​សង្វាក់​អភិវឌ្ឍ​ខាង​លើ​ត្រូវ​បាន​បញ្ចប់ ទាំង​ក្រុមហ៊ុន SAMSUNG និង​ក្រុមហ៊ុន​តៃវ៉ាន់​ TSMC នឹង​បង្វែរ​ចូល​ចង្វាក់​ផលិត​កម្ម​ ផលិត​ឈីប​នោះ​យក​តែ​ម្ដង៕

#ចង់​ដឹង​កាន់​តែ​ច្បាស់​ទស្សនា​វីដេអូ​ខាង​ក្រោម ៖

ចុច​អាន​បន្ត​៖

• Galaxy S9​ ​ដើរ​លឿន​ជាង​ ​S8/ S8 Plus​ ​ដល់​ទៅ​ ​៣៥%
• S8 ទើប​បង្ហាញ​ខ្លួន តែ Galaxy S9 ត្រៀម​ស្វាគមន៍​​​ឈីប Snapdragon 845 ហើយ​!

ប្រភព៖ TrustedReviews   ប្រែ​សម្រួល៖ រក្សា