ក្រុមហ៊ុន​ ​Apple បាន​ខិត​ខំ​ប្រឹងប្រែង​ធ្វើការ​កែ​សម្រួល​ ​និង​បង្កើត​អ្វី​ដែល​ថ្មី​លើ​ជំនាន់​ ​iPhone​ ​សម្រាប់​ឆ្នាំ​នេះ​ ​ដែល​មាន​ដូច​ជា​ ​iPhone 8, 8 Plus​ ​និង​ម៉ូដែល​ពិសេស​ ​Super-premium​ ​គឺ​ ​iPhone X។ ដូច្នេះ​ថា​តើ​វា​មាន​ភាព​ខុស​គ្នា​យ៉ាង​ម៉េច​ជាមួយ​នឹង​ស្មាតហ្វូន​ទាំង​បី​នេះ​ ​ហើយ​តើ​អ្នក​គួរ​ជ្រើសរើស​ទិញ​មួយ​ណា​?​ ​អ្នក​អាច​ពិនិត្យ​មើល​កត្តា​សំខាន់​ទាំង​ប្រាំ​ពីរ​សម្រាប់​ពិចារណា​ក្នុង​ការ​ទិញ​នូវ​ ​iPhone​ ​ថ្មី​នេះ​៖

**តម្លៃ (ទីផ្សារ​កម្ពុជា)**

• iPhone 8​ ​ទំហំ​ ​៦៤GB​ ​តម្លៃ​ប្រមាណ​ ​៩៤៩​ ​ដុល្លារ
• iPhone 8​ ​ទំហំ​ ​២៥៦GB​ ​តម្លៃ​ប្រមាណ​ ​១ ០៩៩​ ​ដុល្លារ
• iPhone 8 Plus​ ​ទំហំ​ ​៦៤GB​ ​តម្លៃ​ប្រមាណ​ ​១ ០៩៩​ ​ដុល្លារ
• iPhone 8 Plus​ ​ទំហំ​ ​២៥៦GB​ ​តម្លៃ​ប្រមាណ​ ​១ ២៤៩​ ​ដុល្លារ

ចំពោះ​ ​iPhone X​ ​នឹង​ចេញ​លក់​នា​ពាក់​កណ្ដាល​ខែ​វិច្ឆិកា​ ​២០១៧​ ​ជា​មួយ​តម្លៃ​ចាប់​ផ្តើម​ ​៩៩៩​ ​ដុល្លារ​ ​(នៅ​អាមេរិក)។

ទំហំ​អេក្រង់

ប្រសិនបើ​តម្លៃ​មិន​មែន​ជា​បញ្ហា​ ​អ្នក​គួរ​គិត​ទៅ​លើ​ទំហំ​។

• iPhone 8​ ​មាន​អេក្រង់​ទំហំ​ ​៤,៧​ ​អ៊ីញ​ ​ស្រួល​ប្រើ​ក្នុង​ការ​កាន់​ដៃ​ម្ខាង
• iPhone 8 Plus​ ​មាន​អេក្រង់​ទំហំ​ ​៥,៥​ ​អ៊ីញ​ ​ស្រួល​មើល​ជា​មួយ​ផ្ទៃ​ទូលាយ
• iPhone X​ ​មាន​អេក្រង់​ទំហំ​ ​៥,៨​ ​អ៊ីញ​ ​បង្ហាញ​ប្លែក​ជា​មួយ​ផ្ទៃ​ធំ​ ​ហើយ​បែប​គែម​តិច

ប្រភេទ​អេក្រង់​

iPhone ទាំង​បី​នេះ​មាន​នូវ​បច្ចេកវិទ្យា True Tone របស់​ក្រុមហ៊ុន​ Apple ដែល​កែប្រែ​កម្ដៅ​នៃ​អេក្រង់​ទៅ​ជា​ពន្លឺ​ព័ទ្ធ​ជុំវិញ ប៉ុន្តែ iPhone 8 និង 8 Plus ប្រើប្រាស់​នូវ HD Retina Display ដូច​ទៅ​នឹង​ជំនាន់​មុន​ដែរ​ ​ខណៈ​ ​iPhone X​ ​វិញ​ប្រើប្រាស់​នូវ Super Retina Display ជាមួយ​នឹង​ ​Pixels​ ​ក្នុង​មួយ​អ៊ីញ ច្រើន​ជាង​។​ ​ម្យ៉ាង​ទៀត​វា​ក៏​ជា​ ​iPhone ដំបូង​ដែល​ប្រើប្រាស់​នូវ​បច្ចេកវិទ្យា​ ​OLED និង HDR សម្រាប់ Display របស់​ខ្លួន​ផង​ដែរ  ដែល​ផលិត​បាន​នូវ​ពណ៌ខ្មៅ​ជ្រៅ​ជាង ពណ៌​ច្បាស់​ជាង និង​រូបភាព​មាន​លក្ខណៈ​រស់​រវើក​ជាង។

ប៊ូតុង​ Home

Appleបាន​លុប​ចោល​នូវ​ប៊ូតុង Home លើ iPhone X ដែល​មាន​ន័យ​ថា​អ្នក​ត្រូវ​រៀន​វិធី​ថ្មី​សម្រាប់​គ្រប់គ្រង​លើ​វា​ដោយ​អាស្រ័យ Gesture។ ដូច្នេះ​ប្រសិនបើ​អ្នក​នូវ​ស្រលាញ់​នូវ​ប៊ូតុង Home អ្នក​អាច​ជ្រើសរើស​នូវ iPhone 8 ឬ 8 Plus។

Face ID

មុខងារ Scan ខ្ចៅ​ដៃ​លើ iPhone X មិន​មាន​នោះ​ទេ​។​វា​ប្រើប្រាស់​នូវ FaceID ដើម្បី​ដោះ​សោរ​ស្មាតហ្វូន​ ​ហើយនឹង Authenticate payment ដែល​យោង​ទៅ​តាម​ក្រុមហ៊ុន Apple វា​កាន់​តែ​មាន​សុវត្ថិភាព​ជាង TouchID។ វា​ប្រហែល​ជា​មាន​លក្ខណៈ​សុវត្ថិភាព​ជាង ប៉ុន្តែ​វា​ហាក់​ដូចជា​មិន​ងាយស្រួល​ដូច​ដាក់​ម្រាមដៃ​លើ​ស្មាតហ្វូន​នោះ​ទេ ដែល​ជា​ Gesture ប្រើប្រាស់​ជា​ធម្មតា​ទៅ​ហើយ​សម្រាប់​អ្នក​ប្រើប្រាស់​ ​iOS​ ​បច្ចុប្បន្ន​។ iPhone 8 និង 8 Plus នូវ​រក្សា​មុខងារ Scan ម្រាមដៃ​លើ​ប៊ូតុង Home ដដែល​។​

កាមេរ៉ា​

ប្រសិនបើ​កាមេរ៉ា​ជា​អ្វី​ដែល​អ្នក​គិត​ថា​សំខាន់​ជាង​គេ អ្នក​អាច​ជ្រើសរើស iPhone 8 Plus ឬ X ព្រោះ​ទាំង​ពីរ​នេះ​មាន​នូវ​ Telephoto lens ទី​ពីរ​សម្រាប់​ពង្រីក​បាន​ល្អ និង​ថត​លក្ខណៈ Portrait ដូច​ទៅ​នឹង DSLR ដែរ​។ លើស​ពី​នេះ ក្រុមហ៊ុន Apple បាន​បន្ថែម​នូវ​មុខងារ Portrait light ទៅ​​កាន់ Portrait mode ផង​ដែរ​ដែល​ធ្វើ​ឲ្យ​រូបភាព​កាន់​តែ​ល្អ​ប្រសើរ​។ iPhone X ក៏​មាន​នូវ Aperture លឿន​ជាង​បន្តិច និង Optical image stabilization (ទប់​លំនឹង​ពេល​ថត​​) លើ Lens ទាំងពីរ​ផង​ដែរ​ ​ហើយ​ប្រសិនបើ​អ្នក​ចូលចិត្ត Selfie វា​ក៏​មាន​នូវ​មុខងារ Portrait mode លើ​កាមេរ៉ា​ខាងមុខ​ផង​ដែរ​។ 

Augmented Reality

iPhone​ ​ទាំង​បី​ម៉ូដែល​នេះ​មាន​នូវ AR kit របស់​​ក្រុមហ៊ុន Apple សម្រាប់ Immersive gameplay និង​កម្មវិធី​បែប Interactiveជាច្រើន ប៉ុន្តែ​កាមេរ៉ា TrueDepth នៅ​ផ្នែក​ខាងមុខ​របស់ iPhone X មាន​លក្ខណៈ​ល្អ​លើស​មួយ​កម្រិត​ជាមួយ​នឹង​ការ​កំណត់​ទីតាំង​លើ​ផ្ទៃ​បាន​ល្អ ដែល​អាច​ឲ្យ​អ្នក​បង្ហាញ​លក្ខណៈ​មុខ​អ្នក​ក្នុង​ Snapchat filter ឬ​ជំនាន់ Animoji នៃ​ខ្លួន​អ្នក៕

ទទួល​បាន​ព័ត៌មាន​ថ្មីៗ គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

• Apple ថា​ iPhone X ​ថ្លៃ​ ១០០០ ដុល្លារ​ ជា​តម្លៃ​សម​នឹង​គុណ​តម្លៃ​
• រាង​គំរូ Galaxy S9 អេក្រង់​ពេញ​គ្មាន​គែម កាមេរ៉ា​ភ្លោះ​មុខ-ក្រោយ​ឡូយ​មែន​ទែន!

ប្រភព៖ Cnet   ប្រែសម្រួល ​៖ ប៊ុន ធឿន