តើ Kimberley បកស្រាយយ៉ាងណាពីជម្លោះនេះ បើម្ខាងសង្សារ ម្ខាងមិត្តជិតស្និទ្ធ?

2017-09-25 10:46:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃចុងក្រោយនេះ ព័ត៌មានទាក់ទងនឹងរឿងរ៉ាវ Mark និង Mint ហាក់ដូចជាលេចឮជាហូរហែ មិនឈប់ឈរសោះ ហើយកាន់តែធ្វើឲ្យអ្នកគាំទ្រជាច្រើនផ្ដោតអារម្មណ៍កាន់តែខ្លាំងចង់ដឹងពីបន្ថែម តើនឹងមានអ្វីកើតឡើងជាបន្តទៀត។ ចុះចំណែក Kimberley វិញ តើមានប្រតិកម្មយ៉ាងណា ពាក់ព័ន្ធនឹង សង្សារបណ្ដូលចិត្ត និងមិត្តល្អរបស់នាង?

Mark និង Kim

Kim និង Mint

ជាក់ស្ដែង តារាស្រីកូនកាត់រូបនេះ បានថ្លែងថា នាងពិតជាមានអារម្មណ៍រីករាយណាស់ ពេលដែលបានចូលរួមកម្មវិធីជប់លៀងរបស់ មិត្តជិតស្និទ្ធ Margie Rasri។ តារាស្រីរូបនេះនិយាយទៀតថា មិនមែនតែជាមួយ Mint Chalida ទេដែលនាងថតបែបស្និទ្ធស្នាលនោះ ពោលគឺជាមួយស្រីៗផ្សេងទៀតដែលចូលរួមកម្មវិធីនោះ ក៏នាងធ្វើស្ទីលនេះជាមួយដែរ រហូតដល់ថ្នាក់មានអារម្មណ៍ថា ខ្លួនឯងដូចស្រីស្រឡាញ់ភេទដូចគ្នា (Lesbian) ទៅហើយ។

ងាកទៅនិយាយពីជម្លោះដែលកើតឡើងកាលពីអតីតកាល វាបានកន្លងហួសទៅហើយ ហើយនាងក៏គ្មានអារម្មណ៍ទៅគិតរឿងនោះទៀតដែរ។ ក្នុងពិធីជប់លៀងនោះដែរ Kimberley ក៏មិនបានរម្លឹកព័ត៌មានអ្វីថ្មីចុងក្រោយរបស់ Mint ដែរ។

ទោះជាមិននិយាយអ្វីវែងឆ្ងាយ ប៉ុន្តែទាក់ទងបញ្ហាជម្លោះគូស្នេហ៍ និងមិត្តភក្តិ Kim គ្រាន់តែបង្ហាញថា ខ្លួនសុំមិនលូកដៃនឹងរឿងនេះទេ ព្រោះបញ្ហានេះជារឿងបុគ្គលពួកគេទាំង ២ ហើយក៏មិនពាក់ព័ន្ធនឹងនាងដែរ៕

ប្រភព៖ daranews ប្រែសម្រួល៖ យី សុធារី