តារាស្រីចិន ៧នាក់ ជោគជ័យខ្លាំងក្រោយសម្ដែងក្នុងរឿងបុរាណទាំងនេះ!
- 2017-09-27 05:11:01
- ចំនួនមតិ 0 | ចំនួនចែករំលែក 0
តារាស្រីចិន ៧នាក់ ជោគជ័យខ្លាំងក្រោយសម្ដែងក្នុងរឿងបុរាណទាំងនេះ!
ចន្លោះមិនឃើញ
សម្រាប់ប្រិយមិត្តដែលនិយមទស្សនាភាពយន្តចិនបែបបុរាណ ពិតជានៅចាំមិនភ្លេចនូវទស្សនីយភាពប្លែកៗក្នុងផ្ទៃរឿងនីមួយៗ។ ជាក់ស្ដែងបើនិយាយពីតួសម្ដែងវិញ ក្រោយបង្ហាញវត្តមានក្នុងរឿងបុរាណល្បីៗទាំងនោះ ពួកគេក៏ទទួលបានការកោតសរសើរមិនតិចដែរ ជាពិសេសត្រូវមហាជនជាច្រើនស្គាល់ និងមានភាពល្បីល្បាញទល់សព្វថ្ងៃ។
១. តារាសម្ដែង Zhao Wei ល្បីក្នុងរឿង "ព្រះនាងយ៉េយ៉េ”
រឿងភាគដែលទទួលបានការគាំទ្រខ្លាំងភ្លូកទឹកភ្លូកដី ជុំវិញទ្វីបអាស៊ី មានចំណងជើងថា «ព្រះនាងយ៉េយ៉េ» បានបង្ហាញខ្លួនជាលើកដំបូងក្នុងឆ្នាំ ១៩៩៧។ តួសម្ដែងទាំងអស់ដែល ដើរតួក្នុងរឿង ត្រូវទស្សនិកជនស្គាល់ច្បាស់ស្ទើរគ្រប់គ្នា ជាពិសេស Zhao Wei។
នេះក៏ដោយសារទេពកោសល្យសម្ដែងខ្ពស់កម្ររកបានរបស់តួស្រី ត្រចៀកកាំនេះទើប ធ្វើឲ្យអ្នកទស្សនាអត់ទ្រាំមិនសរសើរមិនបាន រហូតលាន់មាត់ថា ប្រសិនមិនមែន Zhao Wei ដើរតួក្នុងរឿងនេះទេ រឿង «ព្រះនាងយ៉េយ៉េ» ក៏មិនទទួលបានជោគជ័យដែរ។ ទោះបីក្រោយមកទៀត រឿងនេះ ត្រូវលើកយកមកផលិតជាថ្មី ប៉ុន្តែនៅតែមិនអាចយកឈ្នះ រឿងដើមដដែល។
២. តារាសម្ដែង Ruby Lin ល្បីក្នុងរឿង «Three Kingdoms»
ក្នុងរឿងនេះ Ruby ដើរតួជាកូនស្រីរបស់ព្រះអង្គម្ចាស់ Sun Jian និងជាប្អូនស្រីរបស់ Sun Ce និង Sun Quan ដែរ។ រឿង «Three Kingdoms» មានចាក់បញ្ចាំងជូនទស្សនាកាលពីក្នុងឆ្នាំ ២០១០ ហើយតាមរយៈរឿងនេះដែរ ក៏បានធ្វើឲ្យប្រជាប្រិយភាពរបស់ Ruby កើនឡើងជាលំដាប់។
៣. តារាសម្ដែង Yang Mi ល្បីក្នុងរឿង «Wang Zhao Jun»
ជាការពិតមានតួស្រីជាច្រើន បានដើរតួជា «Wang Zhao Jun» ប៉ុន្តែក្នុងចំណោមនោះ មានតែ Yang Mi ទេ ដែលទទួលបានការចាប់អារម្មណ៍ជាងគេ។
៤. តារាសម្ដែង Zhou Xun និង Zheng Shuang ល្បីក្នុងរឿង «Secret History of Princess Tai Ping»
តាមរយៈរឿងនេះ បានធ្វើឲ្យតារាស្រី ២រូបទទួលបានកេរ្តិ៍ឈ្មោះល្បីរន្ទឺ ក្រោយដើរជាតួ "ព្រះនាង Tai Ping” កាលពីឆ្នាំ ១៩៩៨។
រហូតដល់ឆ្នាំ ២០១២ ផលិតករបាន ថតម្ដងទៀត ដោយជ្រើសយក តារាសម្ដែង Zheng Shuang ដើរតួឯកស្រី ហើយការគាំទ្រក៏ស្ទុះឡើងជាថ្មីដែរ។
៥. តារាសម្ដែង Chen Hao ល្បីក្នុងរឿង «Three Kingdoms»
ក្នុងរឿងនេះ Chen Hao សម្ដែងជាតួ រាជិនីសម្រស់ Diaochan។ ថ្វីត្បិតធ្លាប់សាងស្នាដៃក្នុងរឿងជាច្រើន ប៉ុន្តែអ្នកគាំទ្រមួយចំនួនពេញចិត្តនាងខ្លាំង ក្រោយឃើញទស្សនីយភាពសម្ដែងប្លែកមួយទៀតរបស់នាងក្នុងរឿងនេះ។
៦. តារាសម្ដែង Fan Bingbing ល្បីក្នុងរឿង «Lady of the Dynasty»
ភាពយន្តភាគច្រើនដែលសម្ដែងដោយតារាចិនរូបនេះ តែងទទួលបានការគាំទ្រមិនធម្មតា ប៉ុន្តែក្នុងចំណោមនោះ រឿងដែលធ្វើឲ្យនាងទទួលបានការចាប់អារម្មណ៍ខ្លាំងជាងគេ គឺ «Lady of the Dynasty» ថតក្នុងឆ្នាំ ២០១៥។ ក្នុងរឿងនេះ Fan Bingbing ដើរតួជា "មហារាជិនី Yang Guifei" ដែលជាមហេសីរបស់អធិរាជ Xuanzong។
ដោយសារសម្រស់ដ៏ស្រស់ស្អាត និងមុខស្រទន់ តែមានអំណាច បូករួមនឹងសមត្ថភាពសម្ដែងរបស់តារាស្រីរូបនេះ ទើបធ្វើឲ្យអ្នកគាំទ្រជក់ចិត្តដិតអារម្មណ៍ចងចាំនាងជានិច្ច៕
ចុចអាន៖
គ្រាន់តែឃើញវិឡារបស់ Fan Bingbing និងសង្សារ អ្នកគាំទ្ររំភើបដល់ម្ល៉ឹង!
កំពូលតារាស្រីប្រចាំអាស៊ីទាំង៣ ដែលស្អាត ឆ្លាតពូកែ និងមានទ្រព្យច្រើនជាងគេ!