Intel ប្រកាសចេញ CPU Coffee Lake ជំនាន់ទី ៨ សម្រាប់ Desktop

2017-09-27 09:22:52
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីខែសីហា ក្រុមហ៊ុន Intel បានប្រកាសចេញជាលើកដំបូងនូវអង្គគណនា CPU ជំនាន់ទី ៨ សម្រាប់ Laptop លុះឥឡូវនេះ ក្រុមហ៊ុនបានបន្តដាក់ចេញសម្រាប់ប្រភេទ Desktop វិញម្ដង។

Intel បានឲ្យដឹងថា បន្ទះឈីបថ្មីនេះ នឹងមានល្បឿនលឿន ៣២ ភាគរយធៀបនឹងជំនាន់ចាស់។ មានដល់ ៦ ជំនាន់សម្រាប់ Desktop ដែលប្រភេទខ្ពស់បំផុតគឺ i7-8700K ដែលល្អបំផុតសម្រាប់អ្នកនិយមលេងហ្គេមលើកកុំព្យូទ័រ។

របាយការណ៍បី AnandTech បានបង្ហើបពីតម្លៃដូចខាងក្រោម៖

i3-8100 មាន 4 Cores/4 Threads រត់ដល់ល្បឿន 3.6GHz ថ្លៃប្រហែល ១១៧ ដុល្លារ - i3-8350K មាន 4 Cores/4 Threads រត់ដល់ល្បឿន 4.0GHz ថ្លៃប្រហែល ១៦៨ ដុល្លារ
i5-8400 មាន 6 Cores/6 Threads រត់ដល់ល្បឿន 2.8GHz (អាចដំឡើងដល់ 4.0GHz) ថ្លៃប្រហែល ១៨២ ដុល្លារ
i7-8600K មាន 6 Cores/12 Threads រត់ដល់ល្បឿន 3.6GHz (អាចដំឡើងដល់ 4.4GHz) ថ្លៃប្រហែល ២៥៧ ដុល្លារ
i7-8700 មាន 6 Cores/12 Threads រត់ដល់ល្បឿន 3.2GHz (អាចដំឡើងដល់ 4.6GHz) ថ្លៃប្រហែល ៣០៣ ដុល្លារ
i7-8700K មាន 6 Cores/12 Threads រត់ដល់ល្បឿន 3.8GHz (អាចដំឡើងដល់ 4.7GHz) ថ្លៃប្រហែល ៣៥៩ ដុល្លារ

យ៉ាងណាមិញ Intel បានបញ្ជាក់ថា សម្រាប់អង្គគណនាជំនាន់ទី ៨ Coffee Lake បានរក្សានូវទំហំ 14+nm ដូចប្រភេទ Kaby Lake ជំនាន់ទី ៧ ដូច្នោះដែរ ប៉ុន្តែខ្លួនរំពឹងនៅជំនាន់ក្រោយអាចនឹងវិវត្តចូលដល់ទំហំ 10nm ឲ្យបាន។

ចុចអានអត្ថបទបន្ទាប់

ប្រភព៖ theverge ប្រែសម្រួល៖ កៅ រក្សា