នៅ Europa League មួយក្រុមៗបានលុយប៉ុន្មានសម្រាប់ការប្រកួតម្ដងៗឆ្នាំនេះ?
- 2017-09-29 01:27:36
- ចំនួនមតិ 0 | ចំនួនចែករំលែក 0
នៅ Europa League មួយក្រុមៗបានលុយប៉ុន្មានសម្រាប់ការប្រកួតម្ដងៗឆ្នាំនេះ?
ចន្លោះមិនឃើញ
UEFA Europa League គឺជាពានធំទី២សម្រាប់ក្រុមអាជីពនៅអឺរ៉ុប បន្ទាប់ពី Champion League។ សម្រាប់ពាននេះដែលមានក្រុមចូលរួមដល់ទៅ៤៨ ហើយសម្រាប់រដូវកាល២០១៧-១៨ នេះគេលេងបាន២ប្រកួតហើយ។ អ្វីដែលគ្រប់គ្នាតែងតែចង់ដឹង តើក្រុមទាំងនោះទទួលបានប្រាក់រង្វាន់ប៉ុន្មានសម្រាប់ការប្រកួតតាមវគ្គនីមួយៗ?
យោងតាមគេហទំព័រ UEFAបានចែកថា ទាំង៤៨ក្រុមដែលបានឡើងមកវគ្គចែកពូលត្រូវទទួលបានប្រាក់រង្វាន់២,៦លានអឺរ៉ូដោយស្វ័យប្រវត្តិ។ ចំណែកក្នុងពូល សម្រាប់ការប្រកួតម្ដងៗក្រុមដែលឈ្នះអាចទទួលបានប្រាក់៣៦ម៉ឺនអឺរ៉ូ ឯអ្នកចាញ់បាន១២ម៉ឺនអឺរ៉ូ ហើយប្រសិនក្រុមណាដែលបានទៅឡើងវគ្គ៣២ក្រុម នោះក្រុមឈរកំពូលតារាងលេខ១បាន៦០ម៉ឺនអឺរ៉ូបន្ថែម ខណៈលេខ២បាន៣០ម៉ឺនអឺរ៉ូ។
មិនទាន់អស់ក្រុមដែលបានឡើងមក៣២ក្រុមនឹងទទួលបានលុយ៥០ម៉ឺនអឺរ៉ូផ្សេងទៀត សម្រាប់ការដែលបានឈានដល់វគ្គនេះ។ បន្ទាប់មកទៀតក្រុមដែលមានឱកាសលោតទៅវគ្គ១៦ក្រុមចុងក្រោយនឹងទទួលបានលុយ៦៧ម៉ឺនអឺរ៉ូ ហើយបើឈានជើងចូលវគ្គ៨ក្រុមចុងក្រោយទទួលបាន១លានអឺរ៉ូ និង១,៦លានអឹរ៉ូបន្ថែមទៀត ពេលឡើងដល់ semi-final ។ ក្រុម២ឡើងដល់វគ្គផ្ដាច់ព្រ័ត្រអ្នកឈ្នះបាន៦,៥លានអឺរ៉ូ ស្របពេលក្រុមរងជើងឯកបាន៣,៥លានអឹរ៉ូ៕