កូនសត្វក្រៀលចំនួន៥០ក្បាលញាស់នៅតំបន់ការពារខេត្តព្រះវិហារ
- 2017-10-02 06:31:31
- ចំនួនមតិ 0 | ចំនួនចែករំលែក 0
កូនសត្វក្រៀលចំនួន៥០ក្បាលញាស់នៅតំបន់ការពារខេត្តព្រះវិហារ
ចន្លោះមិនឃើញ
កូនសត្វក្រៀលចំនួន៥០ក្បាលបានញាស់ចេញពីសំបុកចំនួន២៧ដែលក្រុមអភិរក្សបានការពារនៅតំបន់ខ្ពង់រាបភាគខាងជើងនៃប្រទេសកម្ពុជា និងថានេះជាក្តីសង្ឃឹមថ្មីមួយទៀតរបស់ក្រុមអ្នកអភិរក្សចំពោះប្រភេទសត្វកម្របែបនេះ។ នេះបើតាមសេចក្តីប្រកាសព័ត៌មានរបស់អង្គការ WCSដែលបានចេញផ្សាយនៅថ្ងៃនេះ។
កូនសត្វក្រៀលទាំនេះត្រូវបានក្រុមអភិរក្ស និងសហគមន៍ថែរក្សានៅតំបន់ការពារខេត្តព្រះវិហារ។ សត្វក្រៀលត្រូវបានគេជឿថាមានចំនួនប្រហែល១០ ០០០ក្បាលប៉ុណ្ណោះនៅលើពិភពលោកដែលមានក្នុងប្រទេសអូស្រ្តាលី កម្ពុជា វៀតណាម ឥណ្ឌា នេប៉ាល់ និងមីយ៉ាន់ម៉ា ជាដើម ហើយក្នុងនោះគេប៉ាន់ប្រមាណថាចំនួន៥០០ក្បាលកំពុងរស់នៅក្នុងប្រទេសកម្ពុជា។ នេះបើតាមប្រភពដដែល។
អង្គការនេះសរសេរទៀតថាសត្វក្រៀលជាប្រភេទសត្វស្លាបដែលគេចាត់ទុកថាកំពុងស្ថិតក្នុងប្រភេទសត្វងាយរងគ្រោះ និងចំនួនសត្វនេះបានថយចុះដោយសាបាត់បង់ជម្រក តំបន់ដីសើម និងការរំខានរបស់មនុស្សជាដើម៕