ក្រុមហ៊ុនសន្តិសុខរកឃើញថាផលិតផល Mac មួយចំនួនងាយរងគ្រោះពីការវាយប្រហារ

2017-10-02 13:48:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីឆ្នាំ ២០១៥ ក្រុមហ៊ុន Apple បានព្យាយាមការពារកុំព្យូទ័រត្រកូល Mac របស់ខ្លួនពីការ Hack ពោលគឺព្យាយាមធ្វើឱ្យពិបាក Hack ចូលបានប៉ុន្តែក្រុមហ៊ុនមិនទាន់ជោគជ័យទាំងស្រុងនៅឡើយទេក្នុងការផ្ដល់ការការពារទៅដល់អតិថិជន។ នេះបើយោងតាមការស្រាវជ្រាវរបស់ក្រុមហ៊ុនសន្តិសុខ Duo Security ចេញផ្សាយកាលពីថ្ងៃសុក្រកន្លងទៅ។

ក្រុមហ៊ុន Duo បានពិនិត្យមើលពីអ្វីដែលត្រូវបានគេស្គាល់ថាជា Firmware ក្នុងកុំព្យូទ័រ Mac។ Firmware គឺជាប្រភេទ software ត្រូវបានគេបង្កប់ក្នុង hardware ដែលវាសាមញ្ញជាងប្រព័ន្ធប្រតិបត្តិការដូចជា Microsoft Windows ឬ macOS ជាដើម ។ នៅពេលកុំព្យូទ័របើកឡើងជាលើកដំបូង (មុនពេលប្រព័ន្ធប្រតិបត្តិការបានចាប់ផ្ដើមទៀតនោះ) Firmware នឹងត្រួតពិនិត្យមើលឱ្យជាក់ថាគ្រឿងបន្លាស់ដូចជា hard disk និង processor មានវត្តមាន ហើយបញ្ជាពួកវាឲ្យធ្វើអ្វីដែលត្រូវធ្វើ ។ ដំណើរការនេះធ្វើឱ្យកូដមេរោគដែលលាក់ខ្លួនពិបាកនឹងរកឃើញណាស់។

កាលពីឆ្នាំ ២០១៥ ក្រុមហ៊ុន Apple បានចាប់ផ្ដើមការអាប់ដេត Firmware ជាមួយនឹងការអាប់ដេតប្រព័ន្ធប្រតិបត្តិការសម្រាប់ផលិត Mac ដើម្បីធានាថា Firmware នឹងមិនហួសសម័យ។ យ៉ាងណាមិញ Duo បានរកឃើញថាក្នុងចំណោមកុំព្យូទ័រ Mac ៧៣ ០០០ គ្រឿងកំពុង មាន ៤,២% ដែលមិនមានប្រើ Firmware ដូចជាប្រព័ន្ធប្រតិបត្តិការរបស់ខ្លួននោះទេ។ ក្នុងនោះមានដូចជាម៉ូដែល iMac ទំហំ ២១,៥ អ៊ីញ (ចុងឆ្នាំ ២០១៥) មានចំនួន ៤៣% ដែលមាន Firmware ហួសសម័យ។

ដូច្នេះទើបផលិតផល Mac ជាច្រើនផ្សេងទៀតអាច Hack ចូលបានដូចជា ការវាយប្រហារ “Thunderstrike” ដែលជាកន្លែងក្រុម Hacker អាចគ្រប់គ្រងលើ Mac បន្ទាប់ពីដោតខ្សែ Ethernet ទៅនឹងរន្ធ thunderbolt របស់ Mac ជាដើម។

មុនការស្រាវជ្រាវដ៏រសើបនេះចេញផ្សាយជាសាធារណៈក្រុមហ៊ុន Duo ក៏បានជូនដំណឹងឱ្យ Apple រួចមកហើយដែរ។ ចំណែកក្រុមហ៊ុន Appleបានឆ្លើយតបថាកំពុងរកវិធីសាស្ត្រដោះស្រាយ៕

ប្រភព៖ Reuters ប្រែសម្រួល៖ សិរីបុទ្រ

ពាក្យទាក់ទង

ព័ត៌មានបច្ចេកវិទ្យា

អត្ថបទពេញនិយម

មកស្គាល់មិត្តពីកុមារភាពរបស់ Jungkook បច្ចុប្បន្នជា Idol ល្បីឈ្មោះម្នាក់ដែរប្រចាំវិស័យ

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

អត្ថបទថ្មី

បន្ទាយឈើ៖ ឈប់លេងបោកទៅ បោកអ៊ីចឹងវាអត់ល្អទេ

ឡានលោតសញ្ញាធុងសាំង! តើអាចបើកបានប៉ុន្មានគីឡូទៀតទើបឡានរលត់?

រដ្ឋលេខាធិការក្រសួងអប់រំ៖ អំពាវនាវដល់គ្រប់ផ្នែកពាក់ព័ន្ធឲ្យចែករំលែកព័ត៌មានពីការប្រកួតសិស្សឧត្ដមសិក្សា

លោកបណ្ឌិត អាំង សិរីពិសិដ្ឋ រំពឹងថ្ងៃណាមួយការលេងបាល់ទះខុសបច្ចេទេសនឹងត្រូវលុបបំបាត់ទាំងស្រុង

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា