គ្រូ U19 ថា ពិបាកប៉ាន់ស្មានកម្រិត U19 ឥណ្ឌូណេស៊ី ព្រោះ...
- 2017-10-03 22:53:00
- ចំនួនមតិ 0 | ចំនួនចែករំលែក 0
គ្រូ U19 ថា ពិបាកប៉ាន់ស្មានកម្រិត U19 ឥណ្ឌូណេស៊ី ព្រោះ...
ចន្លោះមិនឃើញ
លោក Inoue Kazunori គ្រូបង្វឹកក្រុមបាល់ទាត់ U19 កម្ពុជា មានការពិបាកក្នុងការប៉ាន់ស្មានកម្រិត U19 ឥណ្ឌូណេស៊ី ព្រោះមិនបានដឹងព័ត៌មានច្រើនជុំវិញទម្រង់លេងរបស់ក្រុមមួយនេះ សម្រាប់ជាការត្រៀមខ្លួនក្នុងជំនួបមិត្តភាពវេលាម៉ោង ៦:៣០ ល្ងាចនេះនៅទឹកដីឥណ្ឌូណេស៊ី។
គ្រូបង្វឹកសញ្ជាតិជប៉ុនរូបនេះបាននិយាយថា លោកមិនបានដឹងពីកម្រិតសមត្ថភាព U19 ឥណ្ឌូណេស៊ី ច្រើនទេ។ ទាក់ទងការប្រកួតមិត្តភាពនេះក្រុមរបស់លោក ក៏មិនបានប្រមូលផ្ដុំហ្វឹកហាត់យូរដែរ តែលោកគិតថា ទោះជាយ៉ាងណាសម្រាប់លោកផ្ទាល់ការប្រកួតគឺផ្ដោតសំខាន់លើលទ្ធផលជាធំ។
លោកបន្ថែមថា ការប្រកួតមិត្តភាពនេះជាឱកាសល្អមួយសម្រាប់យុវជនកម្ពុជាទទួលបានបទពិសោធ លើឆាកអន្តរជាតិ។ មួយទៀតក៏ជាការត្រៀមខ្លួនឲ្យបានល្អ សម្រាប់ការប្រកួតផ្លូវការវគ្គជម្រុះ 2018 AFC U-19 Championship ដែលធ្វើឡើងនៅទឹកដីកម្ពុជាចុងខែនេះផងដែរ។
ការប្រកួតជម្រុះ 2018 AFC U-19 Championship នឹងធ្វើឡើងនៅទឹកដីកម្ពុជាចន្លោះពីថ្ងៃទី២៤ ដល់ថ្ងៃទី២៨ ខែតុលា ឆ្នាំ២០១៧ នៅភ្នំពេញ ដែលកម្ពុជាស្ថិតនៅពូល G ជាមួយ U19 ចិន U19 មីយ៉ាន់ម៉ា និង U19 ហ្វីលីពីន៕