សាហាវមែន! ប្រើពេល៤ខែ ជីករូងក្រោមដី ប៉ងចូលលួចលុយធនាគារ រាប់រយលានដុល្លារ

2017-10-04 02:49:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប៉ុនប៉ងលួចលុយធនាគារធំបំផុតលើពិភពលោក ត្រូវបានរំខាន បន្ទាប់ពីប៉ូលិសឃាត់ខ្លួនក្រុមឧក្រិដ្ឋជន ដែលចំណាយពេលអស់ ៤ខែ ជីករូងក្រោមដី ដើម្បីចូលលួចលុយធនាគារ Bank of Brazil សរុបចំនួន ៣១៧លានដុល្លារ។

បុរសចំនួន ១៦នាក់ត្រូវបានឃាត់ខ្លួន បន្ទាប់ពីមន្រ្តីប៉ូលិសបានរកឃើញ រូងក្រោមដីប្រវែង ៥០០ម៉ែត្រ នៅតាមដងផ្លូវ នៅភាគខាងត្បូងទីក្រុង Sao Paulo ប្រទេសប្រេស៊ីល។

ប៉ូលិសក្រុង Sao Paulo បានតាមដានក្រុមឧក្រិដ្ឋជនខាងលើ អស់រយៈពេលជាយូរមកហើយ និងបានបង្ខំចិត្តចូលឆ្មក់ឃាត់ខ្លួន នៅថ្ងៃពុធ ទី២៧ ខែកញ្ញា កន្លងទៅនេះ ដោយសារតែរូងក្រោមដីនោះ ត្រូវបានជីករួចរាល់។

អ្នកដឹកនាំការស៊ើបអង្កេត លោក Fábio Pinheiro Lopes បានប្រាប់ឲ្យដឹងកាលពីថ្ងៃចន្ទថា ពួកគេចំណាយដើមទុនម្នាក់ជាង ៦ ០០០ដុល្លារ ជីករូងក្រោមដីនោះ ដើម្បីចូលទៅលួចលុយពីធនាគារ ចំនួន ៣១៧លានដុល្លារវិញ។ ជាមួយគ្នានេះដែរ ពួកគេបានប្រើប្រាស់បន្ទះឈើ និងដែក ដើម្បីទ្រទ្រង់រូងក្រោមដី ដែលធំល្មមអាចឲ្យមនុស្សពេញវ័យ ក្រោកឈរដើរបាន៕