ឡៅ ចន្រ្ទា ដឹកដៃប្អូនប្រុសឡើងសង្វៀនស្ដារមុខមាត់ជាថ្មី

2017-10-04 03:31:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងកែង ឡៅ ចន្រ្ទា ដឹកដៃប្អូនប្រុស ឡៅ ចិត្រា ឡើងសង្វៀនគូបូតាថ្ងៃសុក្រ ទី៦ ខែតុលា ឆ្នាំ២០១៧ ដើម្បីស្ដារប្រជាប្រិយភាពឡើងវិញក្រោយចាញ់ប៉ុន្មានប្រកួតថ្មីៗនេះ។

កីឡាករ ឡៅ ចន្រ្ទា

បើតាមការឲ្យដឹងពីអ្នករៀបចំប្រដាល់របស់សង្វៀនបាយ័ន បងប្អូនត្រកូល «ឡៅ» ឡៅ ចន្រ្ទា និង ឡៅ ចិត្រា ពួកគេទាំងពីរនាក់ នឹងត្រូវឡើងប្រកួតសារជាថ្មីក្នុងកម្មវិធីគូបូតានាយប់ថ្ងៃសុក្រ ទី៦ ខែតុលា ឆ្នាំ២០១៧ ខាងមុខនេះជាមួយកីឡាករថៃ ដើម្បីប្រជែងយកជ័យជម្នះក៏ដូចជាប្រជាប្រិយភាពឡើងវិញ បន្ទាប់ពីធ្លាក់ចុះមួយរយៈពេលនេះ។ ចន្ទ្រា ប៉ះ Navy J Powerruf ចំណែក ចិត្រា ប៉ះ Chaichan Phakthungchai។

កីឡាករ ឡៅ ចន្រ្ទា

កីឡាករ ឡៅ ចិត្រា

គូរំលឹកថា ៣ប្រកួតចុងក្រោយរបស់ ឡៅ ចន្រ្ទា គឺចាញ់២ ឈ្នះ១ ប្រកួតចុងក្រោយចាញ់ពិន្ទុកីឡាករថៃ ម៉ៃសុទ្ធ ប៉េឡេប៊ូរីរ៉ាំ ក្នុងកម្មវិធីម៉ារ៉ាតុងរបស់សង្វៀន CNC ខណៈ ឡៅ ចិត្រា វិញទើបតែប្រកួតដំបូងនោះទេ ក្រោយឈ្នះមេដាយសំរឹទ្ធនៅស៊ីហ្គេម ២០១៧ នេះ។ តោះចាំតាមដានទាំងអស់គ្នាមើលថា តើត្រកូល «ឡៅ» ទាំងពីរនាក់ខាងលើអាចយកជ័យជម្នះបានទេ?

អត្ថបទ៖ នួន ស៊ីណា