ក្រុម​ការងារ EverythingApplePro បាន​យក​ទូរសព្ទ iPhone 7 Plus និង 8 Plus ដែល​ទើប​ចេញ​លក់​បាន​ជិត ២ សប្ដាហ៍​មក​សាកល្បង​ល្បឿន​ដំណើរការ​គ្នា។ ចំពោះ iP8 Plus ​បំពាក់​នូវ RAM ទំហំ 3GB ដូច​ទៅ​នឹង iP7 Plus ដែរ គ្រាន់​ខុស​ត្រង់​ប្រភេទ​ឈីប​​ជា A11 Bionic ខ្ពស់​ជាង​ជំនាន់​មុន A10 Fusion។

តាម​លទ្ធផលធ្វើ​តេស្ត​​បង្ហាញ ល្បឿន​កម្មវិធី-ហ្គេម គិត​ជា​ជុំ​នៃ​នាទី iPhone 7 Plus ជំនាន់​ឆ្នាំ ២០១៦ ធ្វើ​បាន​ល្អ​ជាង iPhone ឆ្នាំ ២០១៧ ទៅ​វិញ តែ​នេះ​សម្រាប់​ App មួយ​ចំនួន​ប៉ុណ្ណោះ។ ប៉ុន្តែ​បើ​និយាយ​ជា​រួម​ក្នុង​ការ​បើក​មុខងារ​ធំៗ មិន​ឈ្នះ 8 Plus នោះ​ទេ។

ណា​មួយ​មក​ពី iOS 11 នា​ពេល​បច្ចុប្បន្ន មិន​ទាន់​ដំណើរការ​ស្រួលបួល​នៅ​ឡើយ និង​ឈីប A11 Bionic ក្រៅ​ពី​ផ្ដោត​លើ​ល្បឿន វា​ជា​ជំនួយ​ដល់​មុខងារ​ថ្មី AR ម្ល៉ោះ​ហើយ​ទើប​ធ្វើ​ឲ្យ​ល្បឿន 8 Plus មិន​​អាច​ស៊ី​ដាច់ 7 Plus បាន​ដាច់​ឆ្ងាយ។

ប្រភព៖ idropnews   ប្រែសម្រួល៖ កៅ រក្សា