Audi នឹងផលិតរថយន្តស្ព័រដល់ ១៦ ម៉ូដែលទៀតត្រឹមឆ្នាំ ២០២០

2017-10-05 12:24:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Audi Sport ក្រុមហ៊ុនស្ថិតក្រោមដំបូលរបស់ Audi ផលិតតែរថយន្តស្ព័រនឹងមមាញឹកក្នុងរយៈពេលប៉ុន្មានឆ្នាំខាងមុខ បន្ទាប់ពីចេញផែនការផលិតម៉ូដែលរថយន្តស្ព័រ ១៦ ម៉ូដែលទៀតនៅឆ្នាំ ២០២០ ដើម្បីប្រជែងឱ្យទាន់ BMW M និង Mercedes-AMG ។

ប្រធានគ្រប់គ្រងទូទៅលោក Stephan Winkelmann របស់ Audi Sport ដែលជោគជ័យ ខ្លាំងពេលនៅក្រុមហ៊ុន Lamborghini ជាង១ទសវត្សរ៍កន្លងមកនិយាយកាលពីថ្ងៃពុធថា ការផលិតម៉ូដែលរថយន្តស្ព័រនឹងមានរហូតដល់ ១៦ ម៉ូដែលនៅត្រឹមឆ្នាំ ២០២០ ។ រថយន្តស្ព័ររបស់ Audi រួមបញ្ជូលទាំងម៉ូឌែល RS និងR8 ។ លោក Winkelmann បានប្រកាសដំណឹងដ៏ភ្ញាក់ផ្អើលនេះក្នុងសេចក្ដីប្រកាសតែងតាំងលោក Oliver Hoffmann ជាប្រធានដឹកនាំការអភិវឌ្ឍន៍នៅ Audi Sport ជំនួសតំណែងលោក Stephen Reil ដែលកំពុងត្រូវបាននឹងតែងតាំងមុខតំណែងផ្សេងទៀតក្នុង Audi ។

Stephan Winkelmann

លោក Hoffmann ធ្លាប់ធ្វើការយ៉ាងជិតស្និទ្ធជាមួយលោក Winkelmann ពេលនៅ Lamborghini ជាមួយគ្នាក្នុងផ្នែកត្រួតពិនិត្យគុណភាព ព្រមទាំងការផលិតម៉ាស៊ីន V-10 ដែលផ្ដល់ថាមពលដល់ R8 និងកំពូលរថយន្ត Huracan ។ លោក Hoffmann នឹងទទួលខុសត្រូវផ្នែកផលិតផលថ្មីចេញពី Audi Sport ព្រមទាំងជួយពង្រីកកេរ្តិ៍ឈ្មោះឱ្យក្រុមហ៊ុន ។ Winkelmann មិនបានបង្ហាញពីផែនការនៃការគ្រោងទុកនោះទេប៉ុន្តែលោកបានបង្ហើបពីតម្រុយថា នឹងផលិតរថយន្តប្រភេទ SUV បន្ថែមទៀតហើយរថយន្តអគ្គិសនីនឹងត្រូវបានផលិតក្នុងឆ្នាំ ២០២០ ឬឆ្នាំបន្តបន្ទាប់ ។ ដោយឡែកលទ្ធភាពមួយចំនួនសម្រាប់ការវិវត្តម៉ូឌែលរបស់ Audi Sport រួមមាន RS 1, RS Q5 និង RS Q8 ។ សូមបញ្ជាក់ថា ម៉ូដែលរថយន្តស្ព័រចុងក្រោយរបស់ Audi Sport គឺ R8 V10 RWS ៕

ប្រភព៖ motorauthority. ប្រែសម្រួល៖ សិរីបុទ្រ