ធ្លាប់តែអានសៀវភៅ ពេលនេះ "សូផាត" ត្រៀមបញ្ចាំងនៅ PNN ឆាប់ៗ

2017-10-07 06:55:07
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងអក្សរសិល្ប៍បែបខេមរនិយមសម័យទំនើប "សូផាត" ដែលនិពន្ធឡើងក្នុង ១៩៣៨ ដោយកវីនិពន្ធ រីម គីន នោះ ឥឡូវនេះស្ថានីយទូរទស្សន៍ភីអិនអិនបានទទួលសិទ្ធ ពីក្រសួងវប្បធម៌ និងវិចិត្រសិល្បៈ ក្នុងការផលិត និងចាក់ផ្សាយ ផលិតដោយផលិតកម្ម ភូមិពេជ្រភាពយន្ត ចេញជារឿងភាគខ្មែរ ចំនួន៤០ភាគ។

ដូច្នេះសម្រាប់ប្រិយមិត្តដែលធ្លាប់តែស្តាប់ និងគាំទ្ររឿងល្ខោននិយាយ អាចងាកមកទស្សនាជារឿងភាគបានហើយ ដោយខ្សែភាពយន្តនេះ ត្រូវបានអភិរក្ស និងរក្សានូវទម្រង់ដើមទាំងស្រុង ។

រឿង «សូផាត» ប្រជុំដោយតារាជើងចាស់ ជើងថ្មី តែពោរពេញទៅដោយទេព្យកោសល្យក្នុងការសម្តែងដូចជា លោកទេព រិនដារ៉ូ (សួន) អ្នកស្រី ប៉ែន សុផានី (យ៉ាន សារីន) លោក មឿនឯក សុភារិទ្ធ (សូផាត) កញ្ញា លី គីម (ម៉ាន យ៉ាន) រួមនិងតារាល្បីៗជាច្រើនទៀត។

រឿង «សូផាត» ជារឿងបង្ហាញពីជីវិតរបស់ក្មេងកំព្រាម្នាក់ ដែលឪពុកខ្លួនបានបោះបង់ចោលម្តាយដែលកំពុងតែមានផ្ទៃពោះ រួចទៅធ្វើការនៅទីក្រុងភ្នំពេញ។ បន្ទាប់ពីបានបង្កើតសូផាតរួច ម្តាយរបស់គេ ក៏បានលេចលឺដំណឹងមកថា ឪពុករបស់សូផាត គឺលោក សួន បានទៅរៀបការជាមួយប្រពន្ធថ្មី ដែលបណ្ដាលឲ្យម្តាយរបស់សូផាតឈឺចិត្តជាខ្លាំង ក៏ធ្លាក់ខ្លួនឈឺរហូតដល់ស្លាប់។

សូផាត ក៏បានទៅរស់នៅក្នុងវត្ត រហូតដល់ធំពេញវ័យ ហើយបានសុំព្រះចៅអធិការវត្ត ទៅតាមរកឪពុករបស់ខ្លួននៅឯទីក្រុង។ ព្រះចៅអធិការ ក៏បានប្រគល់ចិញ្ចៀនពេជ្រ ដែលឪពុករបស់សូផាត ប្រគល់ទៅអោយម្តាយសូផាត ដើម្បីបញ្ចាំចិត្ត។ ចិញ្ចៀនមួយវង់នេះហើយ ទើបធ្វើឲ្យសូផាត អាចរកឪពុកឃើញ។ តើសូផាតនឹងមានជីវិតតស៊ូបែបណាខ្លះទម្រាំបានជួបជាមួយឪពុកបង្កើតរបស់ខ្លួន?

សូមកុំភ្លេចរង់ចាំតាមដានទស្សនារឿង សូផាត ដែលនឹងចាក់បញ្ចាំងនាពេលឆាប់ៗនេះ នៅលើកញ្ចក់ទូរទស្សន៍ភីអិនអិន៕

ទស្សនាឈុតខ្លីសូមចុច៖