មកស្គាល់កីឡាករល្អបំផុតក្នុងប្រវត្តិសាស្ត្រតំបន់ Catalan ក្នុងនោះមាន Pep Guardiola ដែរ

2017-10-08 09:26:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាតាឡាន (Catalan) ជាដែនដីប្រសិទ្ធី ដែលកីឡាករល្អៗរបស់អេស្ប៉ាញភាគច្រើនមានកំណើតនៅទីនោះ។ Catalan ស្ថិតនៅភូមិភាគឦសាន នៃប្រទេសអេស្ប៉ាញ ដែលមានបាសេឡូណា ជារដ្ឋធានីសំខាន់ និងក្រុងមួយចំនួនទៀតដូចជា៖ ហ្គររ៉ូណា, Lleida និង តារ៉ាហ្គោណា ជាដើម ហើយបច្ចុប្បន្នកំពុងទាមទារផ្ដាច់ទឹកដីពីអេស្ប៉ាញ។ កំពូលកីឡាករ ដូចជា៖ Xavi Hernández, Carles Puyol, Sergio Busquets, Victor Valdes និង Pique ជាដើម សុទ្ធសឹងជាអ្នកមានដើមកំណើតនៅទីនោះ។

ខាងក្រោមនេះគឺជាកីឡាករលំដាប់ពិភពលោកមួយចំនួន ក្នុងប្រវត្តិសាស្ត្រ Catalan ៖

១ Ricardo Zamora (១៩០១ – ១៨៧៨)

Ricardo Zamora អតីតអ្នកចាំទីរបស់ Barcelona និង Real Madrid និង ជាកីឡាករជម្រើសជាតិអេស្ប៉ាញ កើតក្នុងឆ្នាំ ១៩០១។ លោកធ្លាប់ឈ្នះពានរង្វាន់កីឡាករឆ្នើមបំផុត best Goalkeeper របស់ FIFA ក្នុងឆ្នាំ ១៩៣៤។

២ Carles Rexach (១៩៤៧)

លោកកើតនៅទីក្រុងបាសេឡូណា នៃតំបន់ Catalan ក្នុងឆ្នាំ១៩៤៧ និងបានចំណាយពេលពេញមួយអាជីពលេងឲ្យក្លឹបតែមួយគត់ គឺ ក្លឹបបាសេឡូណា នៅទឹកដីកំណើតរបស់លោក។ Carles ជាកីឡាករដែលស៊ុតចូលទីច្រើនបំផុតនៅ La Liga (១៩៧០-៧១)។ បុរសរូបនេះហើយ ជាអ្នកដែលបាននាំយក Messi តាំងពីកុមារភាពមកបណ្ដុះបណ្ដាលនៅ Barcelona ទោះជាមានការជំទាស់ពីមនុស្សភាគច្រើន ដោយសារកុមារអាហ្សង់ទីនរូបនេះលូតលាស់យឺត ឈឺច្រើន ប៉ុន្តែ Carles មានភ្នែកមុតជាងមនុស្សទូទៅ។

៣ Roberto Martínez (១៩៧៣)

លោកកើតនៅ ទីក្រុង Lleida តំបន់ Catalan ក្នុងឆ្នាំ១៩៧៣។ លោកជាខ្សែបម្រើកណ្ដាល ផ្ដើមអាជីពនៅ Real Zaragoza។ លោកបានក្លាយជាគ្រូបង្វឹកជោគជ័យខ្លាំងនៅ Swansea City ។

៤ Pep Guardiola (១៩៧១)

លោកកើតនៅទីក្រុង បាសេឡូណា នៅឆ្នាំ១៩៧១។ ធ្លាប់ឈ្នះពានរង្វាន់កីឡាករឆ្នើមបំផុតវ័យក្មេង កាលពីលោកមានអាយុ២១ឆ្នាំ ហើយក៏ធ្លាប់ឈ្នះពានគ្រូបង្វឹកល្អបំផុត FIFA World Coach of the Year នៅឆ្នាំ២០១១។ ក្នុងនាមជាអ្នកចាត់ការក្លឹប Barcelona ចន្លោះឆ្នាំ ២០០៨-២០១២ លោកបាននាំយកទម្រង់លេង Tiki-taka ដែលធ្វើឲ្យក្លឹបទាំងអស់លើពិភពលោកខ្លបខ្លាច សូម្បីតែ Real Madrid ពេលប៉ះជាក្លឹបអ្នកមានបុណ្យ ក៏សឹងតែគ្មានបាល់លេងដែរ។

៥ Xavi Hernandez (១៩៨០)

កើតនៅទីក្រុង បាសេឡូណា Xaviបំបែកកំណត់ត្រា ជាកីឡាករបង្ហាញខ្លួនច្រើនបំផុត ៨២២ ប្រកួត ក្នុងនោះ Liga ៤៧៤ ប្រកួត និងបង្ហាញខ្លួនឲ្យក្រុមជម្រើសជាតិ១៦៨ ប្រកួត និង ជួយឲ្យក្លឹប Barcelona លើកពានចំនួន ២២ដង។

៦ Victor Valdes (១៩៨២) កើតនៅទីក្រុង បាសេឡូណា។ ធ្លាប់ជាអ្នកចាំទីដ៏ល្អបំផុតក្នុងប្រវត្តិសាស្ត្ររបស់ក្លឹប Barcelona និង ធ្លាប់បំបែកកំណត់ត្រាលេងជាប់ៗគ្នា ៨៩៦នាទី កាលពីរដូវកាល ២០១០-១១។

៧ Carles Puyol (១៩៧៨)

កើតនៅទីក្រុង Lleida ក្នុងឆ្នាំ១៩៨២។ រឿងរ៉ាវដ៏គួរឲ្យចាប់អារម្មណ៍បំផុតរបស់ Puyol ដែលមិនធ្លាប់មានក្នុងប្រវត្តិសាស្ត្របាល់ទាត់ មាន៣យ៉ាង រួមមាន៖ ទី១ កីឡាករចូលនិវត្តន៍រូបនេះ បានចាប់ផ្ដើមអាជីពដំបូងក្នុងនាមជាចាំទី ក្រោយមក លេងជាខ្សែប្រយុទ្ធឲ្យក្លឹបតូចមួយនៅអេស្ប៉ាញ ហើយក៏ធ្លាប់ទាត់ចូលទី Barcelona។ ចុងក្រោយ Puyol លេងជាខ្សែការពារ បន្ទាប់ពីផ្ទេរមក Barcelona ។

៨ Sergio Busquets (១៩៨៨) Busquets កើតនៅទីក្រុងបាសេឡូណា ក្នុងឆ្នាំ១៩៨៨ និង ចូលលេងឲ្យ Barcelona តាំងពីឆ្នាំ២០០៥ ជាខ្សែបម្រើ។ ឪពុករបស់ Sergio Busquets ឈ្មោះ Carles Busquetsក៏ជាអតីតអ្នកចាំទីឲ្យក្លឹបអ្នកមានបុណ្យនេះដែរ ដែលធ្វើឲ្យពួកគេក្លាយជាអ្នកទី៣នៅអឺរ៉ុប នៃរឿងរ៉ាវ ឪពុកកូន ដែលលេងឲ្យកំពូលក្លឹបតែមួយ។

ប្រភព៖ Suitelife ប្រែសម្រួលៈ សុខ លាងហ៊ត