ការពិតគួរឲ្យភ្ញាក់ផ្អើល ៨យ៉ាង ពីមេដឹកនាំផ្តាច់ការ ហ៊ីត្លែរ កម្រមានអ្នកដឹងបំផុត!

2017-10-09 03:04:59
ចំនួនមតិ 0 | ចំនួនចែករំលែក 0

ចន្លោះមិនឃើញ

អាដុល ហ៊ីត្លែរ ត្រូវបានគេចាត់ទុកថាជាមនុស្សអាក្រក់បំផុត នៅលើពិភពលោក។ លោកគឺជាមេដឹកនាំផ្ដាច់ការនៃគណបក្ស ណាស៊ី (Nazi) ដែលល្បីរន្ទឺទូទាំងពិភពលោក។ មនុស្សគ្រប់គ្នាសុទ្ធតែបានដឹងអំពីមនោគមវិជ្ជាប្រកាន់ជាតិសាសន៍ , ហាយនភាព និង មនុស្សរាប់លាននាក់ត្រូវបានសម្លាប់ នៅក្រោមការបញ្ជារបស់លោក។

ខាងក្រោមនេះគឺជាការពិតគួរឲ្យភ្ញាក់ផ្អើល ទាំង៨យ៉ាង ពីមេដឹកនាំផ្ដាច់ការ អាដុល ហ៊ីត្លែរ ដែលកម្រមានអ្នកដឹងបំផុត៖

#១ ហ៊ីត្លែរ ធ្លាប់លួចស្រលាញ់ស្រីជនជាតិជ្វីហ្វ (Jewish)

វាស្ដាប់ទៅដូចជាឆ្កួតបន្តិច ប៉ុន្តែ ហ៊ីត្លែរ បានលង់ស្រលាញ់នារីជនជាតិជ្វីហ្វវ័យក្មេងម្នាក់ នៅឯសាលារៀន។ ឈ្មោះរបស់នាងគឺ Stephanie Isak ប៉ុន្តែនាងមិនបានដឹងថា ហ៊ីត្លែរ លួចស្រលាញ់នាងឡើយ។ នៅពេលនោះ ហ៊ីត្លែរ មានកាខ្មាសអៀនខ្លាំងណាស់ ហើយមិនដែលប្រាប់នាងអំពីក្តីស្រលាញ់របស់ខ្លួនឡើយ។ ទោះបីជាយ៉ាងណា ហ៊ីត្លែរ មានគំនិតរវើរវាយអំពីនាង ដែលក្រោយមកអាចក្លាយទៅជា ការស្អប់ជនជាតិជ្វីហ្វទាំងមូលតែម្ដង។

#២ ហ៊ីត្លែរ មានបញ្ហារំលាយអាហារ

ហ៊ីត្លែរ មានបញ្ហាបំពង់រំលាយអាហារធ្ងន់ធ្ងរ ពេញមួយជីវិតតែម្ដង។ ជារឿយៗ ហ៊ីត្លែរ តែងឈឺក្រពះ , រាគរ៉ាំរ៉ៃ និង មិនស្រួលក្នុងខ្លួនបន្ទាប់ពីទទួលទានអាហាររួច។ ហ៊ីត្លែរ មានការភ័យខ្លាចខ្លាំងណាស់ថា គេអាចដឹងពីបញ្ហាទាំងនេះ ដោយ ហ៊ីត្លែរ បានព្យាយាមប្រើថ្នាំចំនួន ២៩ មុខផ្សេងៗគ្នា ប៉ុន្តែនៅតែមិនអាចជួយបាន។

#៣ ហ៊ីត្លែរ មានពងទក

ការប្រយុទ្ធប្រឆាំងសម្រាប់ចក្រភពអាល្លឺម៉ង់ ក្នុងអំឡុងសង្គ្រាមលោកលើកទី១ ហ៊ីត្លែរ បានរងរបួស ហើយក្រុមគ្រូពេទ្យ បានវះកាត់ពងស្វាសរបស់លោកម្ខាងចេញ ដើម្បីជួយសង្គ្រោះជីវិតលោក។ វាបានកើតឡើង ក្នុងអំឡុងពេលសង្គ្រាមសមរភូមិ Battle of the Somme នៅឆ្នាំ១៩១៦។

#៤ ហ៊ីត្លែរ ធ្លាប់ចង់ធ្វើជាអាចារ្យ

នៅពេល ហ៊ីត្លែរ មានអាយុ ៤ឆ្នាំ លោកបានធ្លាក់ចូលក្នុងទឹកបឹងមួយ ហើយត្រូវអាចារ្យម្នាក់ជួយសង្គ្រោះជីវិត។ ដោយសារតែឧបទ្ទវហេតុនេះហើយទើប ហ៊ីត្លែរ គិតចង់ធ្វើជាអាចារ្យ។

#៥ ហ៊ីត្លែរ មានអាកប្បកិរិយាសេរីចំពោះមនុស្សស្រី

ហ៊ីត្លែរ អាចស្ទាបអង្អែល និងរួមភេទជាមួយមនុស្សស្រីណាម្នាក់ បើទោះបីជាពួកនាងចង់ ឬមិនចង់ក៏ដោយ។ មិនតែប៉ុណ្ណោះ ហ៊ីត្លែរ ថែមទាំងមានទំនាក់ទំនងជាមួយក្មួយស្រី ឈ្មោះ Geli Raubal ទៀតផង។ យ៉ាងណាមិញ នៅអាយុ ២៣ឆ្នាំ នាង Raubal បានធ្វើអត្តឃាត ហើយរឿងនេះកើតឡើង ប្រហែលមកពីសកម្មភាពផ្លូវភេទមិនអាចទទួលយកបានដែល ហ៊ីត្លែរ ធ្វើដាក់នាង។

#៦ ហ៊ីត្លែរ អត់ចេះបើកឡាន

ហ៊ីត្លែរ មិនដែលរៀនបើកបរឡាននោះទេ។ មនុស្សមួយចំនួនជឿជាក់ថា មូលហេតុដោយសារតែ ហ៊ីត្លែរ ខ្លាចបរាជ័យនៅចំពោះមុខអ្នកដទៃ។ ទោះជាយ៉ាងណា ហ៊ីត្លែរ បានដឹកនាំកងទ័ពរបស់លោកយ៉ាងជោគជ័យ ដោយមានអ្នកបើកបរផ្ទាល់ខ្លួន។

#៧ ហ៊ីត្លែរ ជាអ្នកហូបបួស

មេដឹកនាំផ្ដាច់ការរូបនេះ ស្រលាញ់ចូលចិត្តសត្វខ្លាំងណាស់ ហើយប្រឆាំងចំពោះការធ្វើតេស្តនានាលើសត្វ។ ហ៊ីត្លែរ បានបង្ហើបថាខ្លួនឯងជាអ្នកហូបបួស នៅក្នុងកំណត់ហេតុផ្ទាល់ខ្លួនជាច្រើនលើកច្រើនសារ ហើយលោកថែមទាំងគិតចង់យកអាហារបួស ធ្វើជាមនោគមវិជ្ជាជាផ្លូវការ បន្ទាប់ពីសង្គ្រាមបានបញ្ចប់ទៀតផង។ ហ៊ីត្លែរ បានបង្ហាញគំនិតនេះ នៅក្នុងការសន្ទនាជាមួយ មន្ត្រីណាស៊ី Joseph Goebbels។

#៨ ហ៊ីត្លែរ ប្រឆាំងនឹងការជក់បារី

ទោះបីជា ហ៊ីត្លែរ ចូលចិត្តជក់បារីខ្លាំង កាលនៅជាយុវវ័យ ប៉ុន្តែលោកបានក្លាយជាអ្នកប្រឆាំងនឹងការជក់បារី នៅពេលបានកាន់កាប់អំណាច។ ហ៊ីត្លែរ ចាត់ទុកការជក់បារីថា ជាការបំផ្លាញលុយ ហើយថែមទាំងចាប់ផ្ដើមយុទ្ធនាការប្រឆាំងនឹងការជក់បារី ដោយហាមឃាត់សកម្មភាពនេះ នៅលើសេវាកម្មដឹកជញ្ជូនសាធារណៈទៀតផង៕

ចុចអាន៖

ប្រភព៖ Brightside ប្រែសម្រួល៖ សេង ឡុង