រថយន្តចតចោលច្រើនគ្រឿងផ្ទុះឆេះ ក្រោយអគ្គីភ័យលេបត្របាក់ផ្សារនៅទីក្រុងម៉ូស្គូ

2017-10-09 04:10:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្សារដ៏ពេញនិយមមួយនៅទីក្រុងមូស្គូ ប្រទេសរុស្ស៊ី ត្រូវបានអណ្ដាតភ្លើងលេបត្របាក់ស្ទើរទាំងស្រុងនៅរសៀលថ្ងៃអាទិត្យ ដោយត្រូវជម្លៀសមនុស្សប្រមាណ ៣ពាន់នាក់ និងរថយន្តចតទុកចោលក្នុងផ្សារច្រើនគ្រឿង ត្រូវឆេះផ្ទុះខ្ទេចហ្មត់។

ផ្សារនេះឈ្មោះ Sindika ស្ថិតនៅភាគពាយ័ព្យទីក្រុងម៉ូស្គូ ដោយឆេះបរិវេណផ្សារប្រមាណ ៥៥ ០០០ម៉ែត្រការ៉េ។ អ្នករបួសត្រូវគេរាយការណ៍ថា យ៉ាងហោចណាស់មានម្នាក់។

សាក្សីបានអះអាងថា ពួកគេបានឮសំឡេងផ្ទុះ តែមិនដឹងមូលហេតុទេ ហើយរថយន្តចតនៅចំណតក្រោមដីជាច្រើនគ្រឿងបានផ្ទុះជាបន្តបន្ទាប់។ ភ្លាមៗបន្ទាប់ពីឆេះ អ្នកពន្លត់អគ្គីភ័យជាង ២៩០នាក់ រថយន្តពន្លត់អគ្គីភ័យ ១៧០គ្រឿង និងឧទ្ធម្ភាគចក្រចំនួន ៣គ្រឿង ត្រូវបានបញ្ជូនទៅដល់កន្លែងកើតហេតុ៕ សូមរង់ចាំតាមដានបន្ត..