BlackBerry ចេញស្មាតហ្វូនស៊េរីថ្មីលែងមានក្ដារចុច
- 2017-10-09 04:27:28
- ចំនួនមតិ 0 | ចំនួនចែករំលែក 0
BlackBerry ចេញស្មាតហ្វូនស៊េរីថ្មីលែងមានក្ដារចុច
ចន្លោះមិនឃើញ
កាលពីម្សិលមិញនេះ BlackBerry បានប្រកាសចេញស្មាតហ្វូនថ្មីម៉ូដែល Motion ដែលផ្នែកខាងមុខមានជាអេក្រង់ Touch ទាំងអស់ លែងមានលាយឡំនឹងក្ដារចុចដូចពីមុនហើយ។
BlackBerry Motion មានបំពាក់អេក្រង់ទំហំ ៥,៥ អ៊ីញកម្រិត HD, RAM ទំហំ ៤ GB, ថ្មទំហំ ៤០០០ mAh ដែលអាចទ្រាំទ្រនឹងការសាកថ្មបានលឿន QuickCharge 3.0។ មិនតែប៉ុណ្ណោះស្មាតហ្វូនដែលប្រកាសចេញនៅទីក្រុងឌុយបៃនេះ អាចធន់នឹងទឹកកម្រិត IP67 ផងដែរ។
ព័ត៌មានអំពីបន្ទះឈីបមិនត្រូវបានគេបង្ហាញឲ្យដឹងឡើយ ប៉ុន្តែបើតាមពាក្យចចាមអារ៉ាមចេញផ្សាយកន្លងមកថាមានប្រើបន្ទះឈីប Snapdragon 625។ ចំពោះទ្រនាប់ស្កេនខ្ចៅដៃមានបង្កប់ជាមួយនឹងប៊ូតុង Home ហើយដំណើរការដោយ Android Nougat 7.1 ដែលអាចអាប់ដេតទៅ Android 8.0 បាននៅឆ្នាំ ២០១៨។
BlackBerry Motion នឹងចេញលក់នៅសហភាពអារ៉ាប់រួម និងនៅអារ៉ាប៊ីសាអ៊ូឌីតក្នុងខែតុលានេះ ដោយនឹងចេញលក់លើទីផ្សារដទៃទៀតនាខែក្រោយ។ ស្មាតហ្វូននេះមានតម្លៃប្រមាណ ៤៦៣ ដុល្លារ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
