សិង្ហបុរី មានអង្ករថ្លៃបំផុតលើពិភពលោក ១គីឡូជាង១០០ដុល្លារ

2017-10-09 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សិង្ហបុរី ត្រូវបានគេចាត់ជាប្រទេសដែលមានអង្ករថ្លៃបំផុតលើពិភពលោក។

អង្ករ Premium របស់ក្រុមហ៊ុន Kinmemai បានបំបែកកំណត់ត្រាពិភពលោក Guinness Book of World Records ជាអង្ករថ្លៃបំផុតលើពិភពលោក ជាមួយនឹងតម្លៃរហូតដល់ទៅ ១៤៩ដុល្លារសិង្ហបុរី (១០៩ដុល្លារអាមេរិក) ក្នុងមួយគីឡូក្រាម។

អ្វីដែលធ្វើឲ្យអង្កររបស់ Kinmemai ពិសេសបែបនេះ គឺដោយសារតែវាមានគ្រាប់ស្រូវ ដែលទទួលបានពានរង្វាន់ ពីទូទាំងប្រទេសជប៉ុន រួមមាន ដូចជា ខេត្ត Gunma, Gifu, Kumamoto, Nagano និង Niigata ផងដែរ។ អង្ករ ត្រូវបានលាយច្របល់បញ្ចូលគ្នា រយៈពេល ៦ខែ ដែលធ្វើឲ្យវាកាន់តែមានជីវជាតិ ហើយផ្ដល់នូវរូបរាងកាន់តែប្រសើរ ជាមួយនឹងរសជាតិផ្អែមឆ្ងាញ់ជាងអង្ករផ្សេងទៀត។

ក្រុមហ៊ុនលក់អង្ករខាងលើ ក៏មានលក់អង្ករប្រភេទផ្សេងទៀត ដូចជា Better White តម្លៃ ៩,៤០ដុល្លារសិង្ហបុរី (៦,៨៨ដុល្លារអាមេរិក) ក្នុងមួយគីឡូក្រាម និង Better Brown តម្លៃ ៩,៨០ដុល្លារសិង្ហបុរី (៧,១៨ដុល្លារអាមេរិក) ក្នុងមួយគីឡូ៕