ទីបំផុត Microsoft សារភាពថា Windows Phone ក្ស័យសង្ខារ
- 2017-10-09 13:56:52
- ចំនួនមតិ 0 | ចំនួនចែករំលែក 0
ទីបំផុត Microsoft សារភាពថា Windows Phone ក្ស័យសង្ខារ
ចន្លោះមិនឃើញ
ក្នុងសារបង្ហោះមួយចំនួនរបស់អនុប្រធានក្រុមហ៊ុន Microsoft លោក Joe Belfiore បង្ហាញថា ក្រុមហ៊ុននឹងមិនអភិវឌ្ឍមុខងារថ្មី ឬផលិតផលសម្រាប់ប្រព័ន្ធប្រតិបត្តិការទូរសព្ទ Windows 10 Mobile ទៀតទេខណៈអ្នកគាំទ្រ Windows Phone សង្ឃឹមថា Microsoft នឹងអាប់ដេតប្រព័ន្ធជាមួយនឹងមុខងារថ្មីៗ។
Belfiore និយាយថា ពិតប្រាកដណាស់យើងនៅតែបន្តផ្ដល់ការគាំទ្រ (Support) ដល់ប្រព័ន្ធប្រតិបត្តិការដូចជា ការជួសជុលកម្មវិធីកុំព្យូទ័រ ការអាប់ដេតប្រព័ន្ធសុវត្ថិភាព តែការបង្កើតមុខងារថ្មីមិនមាននោះទេ។ អំឡុងដំណាក់កាលអភិវឌ្ឍ Window 10 Fall Creator Update បានបង្ហាញយ៉ាងច្បាស់ថា Microsoft នឹងមិនធ្វើការលើទូរសព្ទទៀតទេ។ ក្រុមហ៊ុនផលិត Software បានផលិតដំណាក់កាលអភិវឌ្ឍចូលក្នុង feature2 ដោយធ្វើឱ្យអ្នកគាំទ្រ Windows Phone ខកចិត្តយ៉ាងខ្លាំង ។
Windows Phone របស់ Microsoft ផុតដង្ហើមជាង ១ ឆ្នាំទៅហើយតែក្រុមហ៊ុនមិនដែលប្រកាសជាផ្លូវការដូចជាការដកចេញអាជីវកម្មទូរសព្ទកាលពីឆ្នាំមុនដោយកាត់បន្ថយការងាររាប់ពាន់កន្លែង។ អំឡុងពេលសន្និសីទ Build និង Inspire របស់ក្រុមហ៊ុន Microsoft នាយកប្រតិបត្តិលោក Satya Nadella បានបង្ហើបពាក្យ mobile first (ចល័តមុនគេ) cloud first (ប្រព័ន្ធអ៊ីនធើណិតមុនគេ) ដែលរូបលោកពិពណ៌នាថាជា ប្រព័ន្ធអ៊ីនធើណិតឆ្លាតវៃ ។
Microsoft ថាអ្នកប្រើប្រាស់មិនចង់បានប្រព័ន្ធ Windows លើទូរសព្ទរបស់ពួកគេទេខណៈក្រុមហ៊ុនធ្លាប់ផ្ដោតលើកម្មវិធី iOS និង Android រយៈពេលពីរបីឆ្នាំកន្លងមកនេះ។ ជាក់ស្តែងលោក Bill Gates ក៏ប្តូរមកប្រើទូរសព្ទប្រព័ន្ធ Android ដែរហើយកត្តាជម្រុញឱ្យ Microsoft លែងបន្តអភិវឌ្ឍ Windows Phone មកពី developer (អ្នកផលិត) មិនដែលជួយគាំទ្រប្រព័ន្ធឡើយ។ ក្រុមហ៊ុននឹងជួយគាំទ្រអតិថិជន Windows 10 ដែលចង់ប្រើប្រព័ន្ធ Android និង iOS លើទូរសព្ទរបស់ពួកគេ។
កម្មវិធី Browser Edge របស់ Microsoft កំពុងវិវត្តទៅរក iOS និង Android ហើយក្រុមហ៊ុនហាក់បីដូចជាផ្តោតលើការបង្កើនបទពិសោធន៍នៃការតភ្ជាប់ទូរសព្ទទៅកាន់ PC រវាងប្រព័ន្ធប្រតិបត្តិការទាំងពីរនេះហើយមានតែការវិនិយោគក្នុង iOS និង Android តែមួយគត់នឹងផ្តល់អត្ថប្រយោជន៍ឱ្យអតិថិជន Windows Phone នឹងអាចជួយស្រោចស្រង់ការខាតបង់ដែលជះក្នុងអាជីវកម្មទូរសព្ទអស់រយៈពេលច្រើនឆ្នាំមកនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
