កោះរាជបុត្រ ទេសភាពស្រស់ស្អាត ជាទីថតរូបអនុស្សាវរីយ៍

2017-10-10 07:41:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កោះរាជបុត្រ កំពុងទាក់ទាញភ្ញៀវទេសចរទាំងជាតិ និង អន្តរជាតិ ទៅកម្សាន្តដែនកោះតូចច្រឡឹងមួយនេះ ដែលមានសម្រស់ស្រស់ស្អាត ហើយភ្ញៀវអាចដើរលើស្ពានឈើគយគន់ឆ្នេរ ព្រៃព្រឹក្សា និងសំណឹកថ្ម ក៏ដូចជាថតរូបអនុស្សាវរីយ៍ និងស្រូបខ្យល់បរិសុទ្ធ។

ដើមឡើយកោះនេះ មានឈ្មោះថា កោះសំពោច ប៉ុន្តែក្រោយពីចិនវិនិយោគលើដែនកោះនេះមក ចិនបានផ្លាស់ប្ដូរឈ្មោះមកជាកោះរាជបុត្រ ប៉ុន្តែ ពលរដ្ឋខ្មែរមួយចំនួនហៅថា កោះចិន ព្រោះចិនវិនិយោគកោះនេះមានរយៈពេលយូរឆ្នាំ។

កោះរាជបុត្រ ស្ថិតនៅក្នុងបរិវេណ ឧទ្យានជាតិរាម ក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។

សូមទស្សនាវីដេអូ

ភ្ញៀវទេសចរដែលចង់ទៅកម្សាន្តកោះមួយនេះ ត្រូវបង់ក្បាលឡាន ១ដុល្លារ ហើយភ្ញៀវខ្មែរក្នុង ១នាក់ ២ដុល្លារ ឯភ្ញៀវបរទេស ៤ដុល្លារ ប៉ុន្ដែ ប្រសិនបើយើងមិនឆ្លងស្ពានឈើ ដើម្បីទៅកាន់កោះរាជបុត្រ គយគន់ឆ្នេរ និងផ្ដិតរូបភាពកម្សាន្តនោះទេ ពេលត្រឡប់ទៅវិញអាចយកសំបុត្រ ដូរយកលុយវិញបាន។ នេះបើតាមបុគ្គលិកផ្នែក យកសំបុត្រកន្លែងស្ពានឈើ ប្រាប់ក្រុមការងារSabay ឲ្យដឹង៕