ពិតជាកក្រើក! អ្នកប្រដាល់ល្បីឈ្មោះ ១០ ប្រទេសប្រកួតគ្នានៅកម្ពុជាខែក្រោយ
- 2017-10-12 02:37:49
- ចំនួនមតិ 0 | ចំនួនចែករំលែក 0
ពិតជាកក្រើក! អ្នកប្រដាល់ល្បីឈ្មោះ ១០ ប្រទេសប្រកួតគ្នានៅកម្ពុជាខែក្រោយ
ចន្លោះមិនឃើញ
ព្រឹត្តិការណ៍ដ៏ធំមិនធ្លាប់មានឈ្មោះថា Khmer Thai Fight គ្រោងរៀបចំឡើងនៅពហុកីឡដ្ឋានជាតិនាថ្ងៃទី២៥ ខែវិច្ឆិកា ឆ្នាំ២០១៧ ដែលមានរហូតកីឡាករចំនួន ១០ ប្រទេសចូលរួម។
បើតាមសម្ដីបញ្ជាក់របស់ឯកឧត្ដម តែម ម៉ឺន ប្រធានសហព័ន្ធប្រដាល់គុនខ្មែរបានឲ្យដឹងថា ព្រឹត្តិការណ៍ដ៏ធំនេះភាគី កម្ពុជា និងថៃ បានសម្រេចប្រើឈ្មោះខាងលើ ដោយប្រទេសទាំងពីរសហការគ្នារៀបចំព្រឹត្តិការណ៍នេះឡើង។ ទីតាំងកំណត់យកពហុកីឡដ្ឋានជាតិ ចំណែកកីឡាករកម្ពុជាមាន ៤ រូប និងថៃមាន ៤ រូប ស្វាគមន៍អ្នកប្រដាល់ល្បីឈ្មោះលើពិភពលោកមកពី ៨ ប្រទេសផ្សេងទៀត។
លោកបញ្ជាក់ថា ព្រឹត្តិការណ៍នេះបានកំណត់ច្បាស់លាស់ហើយ ក្នុងចំណោម ៨ ប្រទេសផ្សេងពីថៃ និងកម្ពុជា មានកីឡាករម្នាក់មកប្រកួតតំណាងប្រទេសរបស់ខ្លួន។ ចំពោះបញ្ហាលក់សំបុត្រឬយ៉ាងណានោះមិនទាន់ប្រាកដ ១០០ % ឡើយ កំពុងរង់ចាំការសម្រេចពីអ្នកឧបត្ថម្ភ។ ចំពោះលក្ខណប្រកួតគឺពាក់ហ្កង់ដៃធម្មតា។
សូមបញ្ជាក់ថា កីឡាករ ៤ រូបដែលកម្ពុជាបានដាក់ឈ្មោះទៅរួចរាល់រួមមាន ឃីម ឌីម៉ា មឿន សុភា ឡៅ ចិត្រា និងពេជ្រ ម្ទេសខ្មាំង៕