លំ សុក្រឹត រៀបការយប់មិញមិនមានគូស្នេហ៍តារាខ្មែរណាធ្វើដូច!

2014-11-11 16:24:47
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងរបស់ផលិតកម្ម Diamond Music រូបនេះតែងតែលាក់បាំងចំណងស្នេហ៍របស់ខ្លួនពេលក្រុមសារព័ត៌មានសួរនាំពីគូស្នេហ៍។ ក្នុងពិធីមង្គលការយប់មិញ លំ សុក្រឹត ធ្វើឡើងមិនសូវជាធំដុំដូចជាតារាដទៃឡើយ ហើយក្នុងនោះក៏មិនសូវមានសិល្បករ សិល្បការិនីច្រើនរូបនោះទេ។

ទោះជាយ៉ាងណាអ្វីដែលធ្វើឱ្យអ្នកចូលរួមមង្គលការភ្ញាក់ផ្អើល រួមនឹងគូស្នេហ៍របស់ខ្លួនស្ទើរស្រក់ទឹកភ្នែក គឺលោកនិពន្ធបទចម្រៀងយកមកបកស្រាយក្នុងពិធីមង្គលការដើម្បីបង្ហាញស្នេហាស្មោះស្ម័គ្រ។

លោក លំ សុក្រឹត មិនអាចសុំការអត្ថាធិប្បាយបានទេនៅព្រឹកនេះ ដោយទូរសព្ទរបស់លោក Call ចូលជាច្រើនលើកមិនមានអ្នកទទួល។ យ៉ាងណាក៏ដោយពិធីករក្នុងកម្មវិធីមង្គលការយប់មិញនិយាយថាគូស្នេហ៍តារាចម្រៀងខាងលើមិនមានអាជីពជាអ្នកចម្រៀងដូចលោកឡើយ។

មួយវិញទៀតបទចម្រៀងមួយបទ ដែលលោក លំ សុក្រឹត យកទៅបកស្រាយក្នុងពិធីកាត់ផ្លែឈើយប់មិញ គឺលោកនិពន្ធទុកជាយូរមកហើយ ដើម្បីយកមកច្រៀងក្នុងថ្ងៃមង្គលការរបស់ខ្លួន។

លោក លំ សុក្រឹត ជាតារាចម្រៀងល្បីឈ្មោះម្នាក់កាលនៅផលិតកម្ម Rock ក៏ប៉ុន្តែក្រោយពេលផលិតកម្មនេះផ្អាកការផលិតចម្រៀងមួយរយៈលោកមិនមានទ្រនំសម្រាប់ជ្រកទេ។ ទើបតែពេលថ្មីៗលោកបានក្លាយជាតារាចម្រៀងក្នុងផលិតកម្ម Diamond Music ជាមួយលោក ជុំ លីណូ ទើបចេញពី សាន់ដេ៕

Post by Khot Sieha.

អត្ថបទ៖ អ៊ីង សុឡា