ស្អាតកប់! បង្ហាញសម្រស់ Miss Global កម្ពុជាប្រចាំឆ្នាំ២០១៧នេះ
- 2017-10-13 05:07:26
- ចំនួនមតិ 0 | ចំនួនចែករំលែក 0
ស្អាតកប់! បង្ហាញសម្រស់ Miss Global កម្ពុជាប្រចាំឆ្នាំ២០១៧នេះ
ចន្លោះមិនឃើញ
កញ្ញា យស ប៉ូលីណា (Paulina Yos) នឹងតំណាងកម្ពុជាដើម្បីចូលរួមប្រកួតកម្មវិធីបវរកញ្ញាពិភពលោក ឬ Miss Global International 2017 ដែលនឹងប្រព្រឹត្តឡើងនៅថ្ងៃទី១៨ ខែវិច្ឆិកា ឆ្នាំ២០១៧ខាងមុខនេះ។
ឆ្នាំនេះ កម្មវិធីប្រកួតលំដាប់អន្តរជាតិខាងលើនឹងប្រារព្ធធ្វើឡើងនៅលើទឹកដីកម្ពុជាផ្ទាល់តែម្ដង ដោយមានស្រីស្អាតមកពី៦០ប្រទេសចូលរួមប្រកួត។ ក្នុងនោះកម្ពុជាក៏មានវត្តមានចូលរួមប្រកួតដែរដោយមានបេក្ខភាព កញ្ញា យស ប៉ូលីណា ជាតំណាង។
ប៉ូលីណា មានវ័យ២៥ឆ្នាំ។ នាងមានឈាមជ័រខ្មែរ-អាមេរិក ដោយសព្វថ្ងៃនាងរស់នៅក្រុង San Francisco រដ្ឋ California សហរដ្ឋអាមេរិក។
នាងមានឆន្ទៈយ៉ាងក្លាវក្លាក្នុងការជំរុញឲ្យស្ត្រី និងកុមារី មានការបញ្ចេញមតិ និងឈរលើជំហរផ្ទាល់ខ្លួន។ ដោយទទួលបានបណ្ដុះគំនិតពីឪពុកម្ដាយ ស្រីស្អាតរូបនេះក៏មានគោលដៅកាត់បន្ថយភាពក្រីក្រ និងពង្រីកវិស័យអប់រំឲ្យបានកាន់តែទូលាយផងដែរ។ មិនត្រឹមតែប៉ុណ្ណោះកញ្ញា នឹងបន្តប្រឹងប្រែងផ្ដល់ជូនភាពកក់ក្ដៅ និងលើកទឹកចិត្តស្ត្រីដែលធ្លាប់រងអំពើហិង្សា និងការជួញដូរផ្លូវភេទ ទាំងនៅសហរដ្ឋអាមេរិក និងកម្ពុជា៕