ពាក្យប្ដឹង នី មុន្នីនាថ ទៅសាលាដំបូងរាជធានីភ្នំពេញចេញមកហើយ!
- 2017-10-13 05:14:11
- ចំនួនមតិ 0 | ចំនួនចែករំលែក 0
ពាក្យប្ដឹង នី មុន្នីនាថ ទៅសាលាដំបូងរាជធានីភ្នំពេញចេញមកហើយ!
ចន្លោះមិនឃើញ
ទីបំផុតលោក អ៊ឹង សូឡាង អតីតគូដណ្តឹង នី មុន្នីនាថ បានដាក់ពាក្យប្ដឹង នី មុន្នីនាថ ទៅសាលាដំបូងរាជធានីភ្នំពេញហើយ កាលពីថ្ងៃទី ២៨ ខែ កញ្ញា ឆ្នាំ ២០១៧ កន្លងទៅ ពីបទឆបោក និងរំលោភលើសេចក្ដីទុកចិត្ត។
យោងតាមពាក្យប្ដឹងខាងលើដែលភាគីខាងដើមចោទលោក អ៊ឹង សូឡាង ដាក់ទៅសាលាដំបូងរាជធានីភ្នំពេញខ្លួនបានសុំឲ្យតុលាការចេញសាលក្រមរួមមាន៖ ឲ្យ នី មុន្នីនាថ ដែលជាចុងចម្លើយសងប្រាក់ ៧០ ០០០ ដុល្លារអាមេរិក (ប្រាំពីរម៉ឺន) ព្រមទាំងសងជំងឺចិត្ត ៥០ ០០០ ដុល្លារអាមេរិក (ប្រាំម៉ឺន) បន្ថែមទៀតមកឲ្យលោក និងសុំឲ្យតុលាការអនុវត្តសាលក្រមជាបណ្ដោះអាសន្ន ទៅតាមមាត្រា ៩៤៥ មាត្រា ៩៤៦ នៃក្រមរដ្ឋប្បវេណី នៃព្រះរាជាណាចក្រកម្ពុជា។
មូលហេតុអង្គហេតុបញ្ជាក់ពីការទាមទារ៖ ដើមចោទឈ្មោះ អ៊ឹង សូឡាង និងចុងចម្លើយឈ្មោះ នី មុន្នីនាថ បានស្គាល់ និងបានស្រលាញ់គ្នាក្នុងឆ្នាំ ២០១៤ ដោយព្រមព្រៀងយ៉ាងច្បាស់ថា នឹងយកគ្នាជាប្ដីប្រពន្ធ ទៅថ្ងៃអនាគត ទើបដើមចោទរៀបចំពិធីភ្ជាប់ពាក្យ ដោយមានឪពុកម្ដាយទាំងសងខាងបានដឹងឮ។
ស្រាប់តែនៅថ្ងៃទី ១៦ ខែ មីនា ឆ្នាំ ២០១៧ បន្ទាប់ពី នី មុន្នីនាថ ទទួលបាន VISA ពីស្ថានទូតអាមេរិកដើម្បីទៅរស់នៅអាមរិក នាងបែរជាបដិសេធមិនទៅរស់នៅទៅវិញ ថែមទាំងសុំផ្ដាច់ពាក្យពីលោក អ៊ឹង សូឡាង ជាគូដណ្ដឹង និងជាដើមចោទ ដោយលើកហេតុផលថាមិនចេះប្រើពាក្យផ្អែមល្ហែម។
ជុំវិញពាក្យប្ដឹងទៅដល់ដៃតុលាការនេះដែរសាមីខ្លួន នី មុន្នីនាថ មិនអាចសុំការបកស្រាយបានទេ ទូរស័ព្ទហៅចូលត្រូវម្ដាយនាងលើកជំនួស និងបាននិយាយថាទូរស័ព្ទអត់សេវា និយាយស្ដាប់គ្នាអត់បាន៕