Man Utd ត្រៀមឆក់យក Harry Kane ពី Real Madrid ក្នុងតម្លៃ១៧០លានផោន

2017-10-14 01:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Manchester United បានដាក់គោលដៅ Harry Kane ជាកីឡាករដំបូងដែលពួកគេនឹងត្រូវទិញយកនៅរដូវកាលដោះដូរកីឡាករឆ្នាំក្រោយនេះ ក្នុងតម្លៃខ្លួនអាចដល់១៧០លានផោន។

ប្រភពពីអេស្ប៉ាញបានឱ្យដឹងថា Real Madrid ជាអ្នកចង់ទិញ Kane ជាងគេ ដើម្បីទៅលេងជំនួសតំណែង Bale ឬ Benzema នាពេលអនាគតឬរដូវកាលក្រោយនេះ។ ដោយពួកគេបានព្យាយាមបញ្ចុះបញ្ចូលក្លឹប Spurs តាំងពីយូរដែរមកហើយ។ ខណៈដែលការចង់បានរបស់ក្លឹបយក្សអេស្ប៉ាញនោះ នៅមិនទាន់ដឹងថាដាក់តម្លៃប៉ុន្មានឡើយ ដោយពួកគេអាចនឹងមានសំណើដោះដូរកីឡាករគ្នាថែមទៀត។

ស្របពេលដំណឹងនេះកំពុងក្ដៅ ក្រុមរបស់លោក Jose Mourinho ក៏ដាក់គោលដៅដូចគ្នា ដើម្បីប្រជែងទិញយកកីឡាករដែលមានល្បឿនលឿនម្នាក់នេះ។ Man Utd អាចនឹងដាក់សំណើទិញយកក្នុងតម្លៃខ្លួន១៧០លានផោន ដោយមិនចាំបាច់មានការដោះដូរកីឡាករដូចជា Real Madrid នោះទេ។ យ៉ាងណាមិញនោះ គ្រាន់តែជាសំណើសិនប៉ុណ្ណោះ ខណៈដែលក្លឹបទាំងសងខាងនៅមានការចរចាគ្នាជាច្រើនទៀត ប្រសិនបើមានការលក់ចេញពិតមែន។

គិតត្រឹមរដូវកាលនេះ Kane រកបាន១៥គ្រាប់មកហើយក្នុងការបង្ហាញខ្លួន១៣លើក ទាំងលីគនិងជម្រើសជាតិអង់គ្លេស។ ខ្សែប្រយុទ្ធវ័យ២៣ឆ្នាំរូបនេះ ក៏ជាតួឯកក្នុងការនាំយកក្រុមតោកំណាចអង់គ្លេសទៅលេងនៅ World Cup ប្រទេសរុស្ស៊ីផងដែរ៕

ប្រភព៖ BBC ប្រែសម្រួល៖ មុន្នីរម្យ