ដឹងមូលហេតុ អាចារ្យទាមទារជិត៣ពាន់ដុល្លារថ្លៃធ្វើបុណ្យ អវត្តមានក្នុងពិធីបូជាសព ស្រីឡៃ

2017-10-18 07:29:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីផ្ទុះប្រតិកម្មពីមហាជនទៅលើអាចារ្យដែលទាមទារថ្លៃបុណ្យសព សាន ស្រីឡៃ យកតម្លៃហួសហេតុរួចមក ស្រាប់តែព្រឹកមិញនេះអាចារ្យរូបនេះមិនដឹងទៅណានោះទេ។ នេះបើតាមម្តាយ សាន ស្រីឡៃ ប្រាប់ Sabay។

អ្នកស្រីថា បន្ទាប់ពីមានការរិះគន់កាលពីយប់មិញយ៉ាងច្រើនពីអ្នកលេងហ្វេសប៊ុកចំពោះបុគ្គលម្នាក់អះអាងថាខ្លួនជាអាចារ្យវាំង មកទាមទារថ្លៃបុណ្យសពកូនស្រីខ្លួនចំនួនជិត ៣០០០ ដុល្លារអាមេរិករួចមក នៅព្រឹកមិញនេះបុរសខាងលើមិនបានបង្ហាញខ្លួនទៀតទេ ប្រហែលជាខ្លាចមហាជន ទើបមិនហ៊ានមកចូលរួមក្នុងពិធីបូជាសពដូច្នេះ។

“និយាយទៅគាត់បាត់ខ្លួនតាំងពីយប់មិញ ប្រហែលជាគាត់ភ័យខ្លួនហើយ ព្រោះអាចារ្យនៅវត្តសែនសុខ មិនបានទាមទារទេ ៣០០០ ដុល្លារ ដូចអាចារ្យវាំងហ្នឹងនិយាយផង"។ម្ដាយ សាន ស្រីឡៃ លើកឡើងដូច្នេះ។

ពាក់ព័ន្ធករណីខាងលើនេះ លោកអាចារ្យក៏បានបញ្ជាក់ប្រាប់សារព័ត៌មានក្នុងស្រុកមួយថា មូលហេតុដែលខ្លួនមិនបានទៅចូលរួមថ្ងៃបូជាសពចុងក្រោយរបស់អ្នកនាង សាន ស្រីឡៃ ព្រោះក្នុងនាមជាអាចារ្យមួយរូប បើមិនមានការអញ្ជើញពីម្ចាស់កម្មវិធីលោកមិនអាចទៅចូលរួមបានឡើយ ម្យ៉ាងវិញទៀតលោកជាប់កម្មវិធីកឋិនទានព្រះបរមរាជវាំង។

ចំណែកឯរឿងលុយវិញ លោក អាចារ្យ គ្មានបំណងទៅចង់បានពីក្រុមគ្រួសារអ្នកនាង សាន ស្រីឡៃ ឡើយតែបើខាងគ្រួសារនាងឲ្យលោកទទួល។