រិន សារ័ត្ន ថាព្រួយបារម្ភពីរឿងប្រកួតច្រើនពេក នាំតែភ្លេចក្បាច់វ៉ៃទេ
- 2017-10-18 08:27:12
- ចំនួនមតិ 0 | ចំនួនចែករំលែក 0
រិន សារ័ត្ន ថាព្រួយបារម្ភពីរឿងប្រកួតច្រើនពេក នាំតែភ្លេចក្បាច់វ៉ៃទេ
ចន្លោះមិនឃើញ
អ្នកប្រដាល់គុនខ្មែរ រិន សារ័ត្ន ថា ចំពោះការប្រកួតមិត្តភាពអន្តរជាតិនៅឯប្រទេសភូមា ខែវិច្ឆិកា ២០១៧ ខាងមុខនេះ វាគ្មានអ្វីដែលជាការព្រួយបារម្ភខ្លាំងនោះទេ ព្រោះនាំតែរំខានដល់ការប្រកួតភ្លេចក្បាច់។
កីឡាករ រិន សារ័ត្ន បានឲ្យដឹងថា សម្រាប់ការប៉ះគ្នាជាមួយម្ចាស់ផ្ទះភូមា នៅថ្ងៃទី៤ ខែវិច្ឆិកា រូបគេមិនសូវជាបារម្ភច្រើននោះទេ ព្រោះបានហាត់ត្រៀមច្រើនសប្ដាហ៍មកហើយដែរ ហើយបើនិយាយក្បាច់ត្រៀមសម្រាប់ប្រកួតមានដូចជាក្បាច់សេរី និងព្យាយាមប្រើកែងឲ្យបានច្រើន។ កាលណាបើកីឡាករមានការបារម្ភខ្លាំងពេកនោះ វាអាចប៉ះពាល់តែម្ដងពេលប្រកួតមែនទែនតែម្ដង ដូចជាភ្លេចក្បាច់ ឬគាំងជាដើម។
អ្នកប្រដាល់ដើមកំណើតវ៉ៃក្នុងទ្រុងខាងលើបន្តថា បង្វែរពីការបារម្ភ ទៅជាការហ្វឹកហាត់ត្រៀមឲ្យបានល្អវិញមិនថាកម្លាំងស៊ុហ្វ ឬរកស្នៀតថ្មីៗដែលអាចផ្ដួលដៃគូពេលប្រកួតទើបល្អ។ ការបានចេញទៅប្រកួតនៅក្រៅប្រទេសដូចនេះ មិនមែនជាការងាយនោះនិងគ្រប់គ្នាអាចទៅប្រកួតបាននោះទេ ដូច្នេះ សារ័ត្ន នឹងខំប្រឹងដណ្ដើមយកជ័យជម្នះមកកម្ពុជាវិញ។
កីឡាករ រិន សារ័ត្ន នឹងត្រូវចេញដំណើរទៅជាមួយលោកគ្រូ ហ៊ុន ចាន់រាជ អំឡុងថ្ងៃទី២ វិច្ឆិកា ដើម្បីត្រៀមចូលរួមប្រកួតកម្មវិធី World Lethwei Championship( WLC) នៅទីក្រុង Yangon ប្រទេសភូមា នាពេលខាងមុខនេះ៕