សន្យាប្រគល់ខ្លួនឲ្យប៉ូលិស បើទទួលបាន ១ ០០០ shares លើ Facebook
- 2017-10-19 02:17:51
- ចំនួនមតិ 0 | ចំនួនចែករំលែក 0
សន្យាប្រគល់ខ្លួនឲ្យប៉ូលិស បើទទួលបាន ១ ០០០ shares លើ Facebook
ចន្លោះមិនឃើញ
បុរសអាយុ ២១ឆ្នាំរស់នៅរដ្ឋ Michigan សហរដ្ឋអាមេរិកបានសន្យាជាមួយអ្នកប្រើប្រាស់បណ្ដាញសង្គមហ្វេសប៊ុកថា ខ្លួនសុខចិត្តដើរចូលប៉ុស្ដិ៍ប៉ូលិស ប្រសិនបើការបង្ហោះរបស់ខ្លួនទទួលការចែកចាយបន្តចំនួន ១ ០០០ដង (Share) នៃការបង្ហោះរបស់ខ្លួន។
បុរសរូបនេះមានឈ្មោះ Michael Martin Zaydel អាយុ ២១ឆ្នាំ បានធ្វើឲ្យមនុស្សជាច្រើនភ្ញាក់ផ្អើល និងកោតសរសើរចំពោះពាក្យសន្យារបស់ខ្លួន ពេលគេសុខចិត្តប្រគល់ខ្លួនប៉ូលិស។ បុរសម្នាក់នេះ ត្រូវតុលាការចេញដីកាចាប់ខ្លួនជាច្រើនករណីជាយូរមកហើយ។
Zaydel បានដើរទៅកាន់ប៉ុស្តិ៍ប៉ូលិសដោយមិនមានការភិតភ័យថែមទាំងយកនំ Donuts មួយថង់ឲ្យប៉ូលិសផង បន្ទាប់ពីបង្ហោះសាររបស់គាត់នៅលើទំព័រហ្វេសប៊ុកបាន ១០ថ្ងៃ។ ការបង្ហោះនេះទទួលបានការចែករំលែកតៗគ្នាច្រើនដល់ទៅ ៤ ៤០០ដង និងខំមិន (Comment) ៤៦០ដង។
សំណុំរឿងរបស់លោក Zaydel បានបើកសវនាការនៅថ្ងៃអង្គារទី ១៧តុលា ឆ្នាំ ២០១៧នៅតុលាការស្រុកទី ១៧ (17th District Court) ចំពោះគ្រោះថ្នាក់ចរាចរណ៍បើកបរក្នុងពេលស្រវឹងកាលពីឆ្នាំមុន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
