តែ ៣ ក្បាច់សោះ អាចរកលុយបាន ១៣ ០០០ ដុល្លារក្នុងមួយខែពី YouTube

2017-10-20 23:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គណនីបណ្ដាញសង្គមវីដេអូ YouTube របស់អ្នកថតរូប Peter McKinnon ដែលរស់នៅក្នុងប្រទេសកាណាដា មានអ្នក Subscribe ដល់ទៅជាង ១ លាននាក់ ក្រោយបង្កើតបានត្រឹមតែ ៩ ខែ។

Peter McKinno ចាប់ផ្ដើមជាមួយវីដេអូ VLOG ធម្មតា តែហាក់មិនសូវទទួលការចាប់អារម្មណ៍ខ្លាំង។ គណនីនោះក៏ចាប់ផ្ដើមល្បីពេលផលិតវីដេអូ ណែនាំពីការប្រើប្រាស់ Lens កាមេរ៉ាឲ្យទាក់ទាញអ្នកមើលដល់ជាង ៣ លានដង។

ការទទួលបានអ្នក Subscriber ដ៏ច្រើនសន្ធឹកសន្ធាប់ អ្នកវិភាគមួយរូបដែលជាម្ចាស់គណនី YouTube ឈ្មោះ Paddy Galloway បានធ្វើការពន្យល់ពីយុទ្ធសាស្ត្រដែលធ្វើឲ្យគណនីអ្នកថតរូបរស់នៅប្រទេសកាណាដាទទួលបាន Subscriber ច្រើន ដោយផ្ដោតគោលការណ៍ ៣ ចំណុច៖

ធ្វើអ្វីឲ្យមហាជនចាប់អារម្មណ៍

សំដៅទៅលើការផលិតមាតិកាដែលផ្សារភ្ជាប់នឹងភាពងាយស្រួលសម្រាប់ជីវភាពប្រចាំថ្ងៃ ក៏ដូចជាវិធីប្រើប្រាស់របស់របរដែលមនុស្សទូទៅត្រូវការ។

ផលិតមាតិកាដែលមានគុណភាព

មានន័យថាវីដេអូត្រូវតែផលិតតាមស្តង់ដារងាយមើល ដែលតម្រូវមានប្លង់ថត កម្រិតពណ៌ ពន្លឺ និងសំឡេងច្បាស់ល្អ។

បង្កើនទំនាក់ទំនងជាមួយអ្នកទស្សនា

មិនត្រឹមបង្ហោះវីដេអូហើយ ទុលចោលនោះទេ គឺត្រូវធ្វើការឆ្លើយឆ្លងជាមួយអ្នកទស្សនាពេលពួកគេមានជាចម្ងល់ ឬអាចចែករំលែកនូវសារខ្លីនានាតាមជាក់ស្ដែង។

Paddy Galloway បានអះអាងថា គណនី YouTube ដែលមាន Subscriber ជាង ១ លាននាក់របស់អ្នកថតរូបសញ្ជាតិកាណាដានេះ អាចរកចំណូលបានលើសពី ១៣ ០០០ ដុល្លារ ក្នុងមួយខែ ដោយគិតទាំងចំណូលពី YouTube និងម្ចាស់ឧបត្ថម្ភផលិតនានាសម្រាប់គណនីមួយនេះ៕

ចុចអានបន្ត ៖

ប្រភព៖ petapixel ប្រែសម្រួល៖ រដ្ឋ