James នឹងត្រឡប់ទៅ Real វិញតែក្នុងករណីពិសេសមួយ
- 2017-10-21 02:26:45
- ចំនួនមតិ 0 | ចំនួនចែករំលែក 0
James នឹងត្រឡប់ទៅ Real វិញតែក្នុងករណីពិសេសមួយ
ចន្លោះមិនឃើញ
James Rodríguez កំពុងលេងនៅ Bayern Munich ក្នុងលក្ខខណ្ឌខ្ចីជើងពី Real Madrid តែមានសិទ្ធទិញផ្ដាច់ក្រោយផុតកុងត្រាខ្ចីជើង។
ខ្សែប្រយុទ្ធសញ្ជាតិកូឡុំប៊ីបានរសាត់អណ្ដែតដល់ទឹកដីអាល្លឺម៉ង់ព្រោះមិនអាចប្រជែងដំណែងជម្រើសដំបូងក្នុងក្រុមលោក Zinedine Zidane ហើយពេលខ្លះសឹងតែគ្មានឈ្មោះជាកីឡាករបម្រុងផង។ យ៉ាងណាមិញ James នៅតែមានសង្ឃឹមត្រឡប់ទៅ Real Madrid វិញនៅថ្ងៃអនាគតបើសិនជាក្លឹបមិនចង់លក់ឲ្យ Bayern។
យោងតាមការផ្សាយរបស់ Don Balon ឲ្យដឹងថាលទ្ធភាពនោះអាចកើតឡើងលុះត្រាតែ Zidane ត្រូវបណ្ដេញចេញទើបកីឡាករវ័យ២៦ឆ្នាំអាចត្រឡប់ទៅអេស្ប៉ាញវិញបានព្រោះបច្ចុប្បន្នកៅអីរបស់ Zidane ក៏មិនធានាប៉ុន្មានដែរ ដោយសារការចាប់ផ្ដើមរដូវកាលមិនល្អនៅ La Liga៕