មកដឹងទម្លាប់ពេលព្រឹក គួរឲ្យភ្ញាក់ផ្អើលរបស់ព្រះអនុជស្រី ព្រះមហាក្សត្រិយានី Elizabeth II

2017-10-24 03:17:49
ចំនួនមតិ 0 | ចំនួនចែករំលែក 0

ចន្លោះមិនឃើញ

វាប្រហែលជារឿងដ៏គួរឲ្យភ្ញាក់ផ្អើល ចំពោះទម្លាប់ដែលព្រះអនុជស្រី របស់ព្រះមហាក្សត្រិយានី Elizabeth II គឺ ម្ចាស់ក្សត្រី Margaret តែងតែធ្វើជារៀងរាល់ពេលព្រឹក។

ព្រះមហាក្សត្រិយានី Elizabeth II (ឆ្វេង) និង ម្ចាស់ក្សត្រី Margaret (ស្តាំ)

នៅក្នុងព្រះជន្មខ្ទង់ ២០ព្រះវស្សា ម្ចាស់ក្សត្រី Margaret ត្រូវបានគេដឹងថា តែងសោយអាហារពេលព្រឹកយ៉ាងរីករាយនៅលើគ្រែ , ស្រង់សុគន្ធវារី (ងូតទឹក) និងរៀបចំព្រះកាយរយៈពេលមួយម៉ោង និងសោយស្រា Vodka មុនម៉ោង ១រសៀល។

ខាងក្រោមនេះគឺជាទម្លាប់ពេលព្រឹក ដែលម្ចាស់ក្សត្រី Margaret តែងធ្វើ មុនម៉ោង ១រសៀល៖

ម៉ោង ៩ព្រឹក៖ ទ្រង់សោយអាហារពេលព្រឹក , ស្ដាប់តន្ត្រី , អានកាសែត និងជក់បារី រយៈពេល ២ម៉ោងនៅលើគ្រែ
ម៉ោង ១១ព្រឹក៖ ទ្រង់ងូតទឹក ដែលរៀបចំដោយអ្នកបម្រើស្រីរបស់ទ្រង់
ថ្ងៃត្រង់៖ បន្ទាប់ពីស្រង់សុគន្ធវារី (ងូតទឹក) និងសម្អាតព្រះកាយអស់រយៈពេល ១ម៉ោង ដល់វេលាត្រូវតុបតែងសក់ និងព្រះភ័ក្ត្រ រួចគ្រងសំលៀកបំពាក់ ដែលបានបោកគក់ស្អាត (ទ្រង់មិនដែលគ្រងសំលៀកបំពាក់លើសពីម្ដង ដោយមិនបោកគក់សម្អាតជាមុនឡើយ)
ម៉ោង ១២:៣០នាទីរសៀល ទ្រង់បង្ហាញខ្លួននៅជាន់ក្រោម ដើម្បីសោយស្រា Vodka
ម៉ោង ១រសៀល ទ្រង់ចូលរួមជាមួយព្រះមាតា ដើម្បីសោយអាហារថ្ងៃត្រង់ ដែលរួមមានទាំង ស្រា និងផ្លែឈើស្រស់ជាច្រើនមុខ

ម្ចាស់ក្សត្រី Margaret

គួរបញ្ជាក់ថា ការបង្ហាញពីទម្លាប់របស់ម្ចាស់ក្សត្រី Margaret ខាងលើនេះ ត្រូវបានសរសេរឡើងនៅក្នុងសៀវភៅ Ma'am Darling: 99 Glimpses of Princess Margaret ដោយលោក Craig Brown រៀបរាប់អំពីប្រវត្តិរូបថ្មីនៃរាជវង្ស។

ជាមួយគ្នានេះដែរ សៀវភៅនេះបានពន្យល់ពីរបៀបដែល ម្ចាស់ក្សត្រី Margaret កាលទ្រង់មានព្រះជន្ម ២៥ព្រះវស្សា មានទម្លាប់ដ៏ប្រណីត ដែលឆ្លុះបញ្ចាំងពីរសជាតិល្អៗនៃជីវិតរបស់ទ្រង់ទៀតផង៕