រិន សារ័ត្ន ប្ដេជ្ញាយកឈ្នះនៅភូមាដើម្បីមុខមាត់ប្រទេសជាតិ

2017-10-26 02:12:30
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់គុនខ្មែរ រិន សារ័ត្ន ប្ដេជ្ញាខំប្រឹងប្រកួតយកជ័យជម្នះនៅឯប្រទេសភូមាដើម្បីជាមុខមាត់ប្រទេសជាតិ ក៏ដូចជាការបង្ហាញពីក្បាច់គុនបុរាណខ្មែរលើឆាកអន្តរជាតិផងដែរ។

កីឡាករ រិន សារ័ត្ន

កីឡាករ រិន សារ័ត្ន បានឲ្យដឹងថា សម្រាប់ការប្រកួតមិត្តភាពអន្តរជាតិនៅឯប្រទេសភូមា នាដើមខែវិច្ឆិកា នេះ គេប្ដេជ្ញាចិត្តខំប្រឹងដើម្បីយកជ័យជម្នះមកកម្ពុជាវិញ។ បច្ចុប្បន្នជើងខ្លាំងរូបនេះកំពុងហ្វឹកហាត់យ៉ាងសកម្មទាំងកម្លាំង និងស្នៀតប្រយុទ្ធផ្សេងៗ។

អ្នកប្រដាល់ដើមកំណើតវ៉ៃក្នុងទ្រុងខាងលើបន្ថែមទៀតថា ការប្រកួតនៅប្រទេសភូមានេះ គេតម្រូវឲ្យរុំអំបោះជំនួសហ្គង់ វាខុសប្លែកពីការប្រកួតនៅកម្ពុជា ហើយពេលកីឡាករចាប់គ្នាអាចយកក្បាលបុកគោះលើដៃគូបាន ចំណុចខុសប្លែកទាំងនេះអាចថាជាការលំបាកខ្លះដែរៗដល់ប្រដាល់កម្ពុជា ប៉ុន្តែគេមិនជាបារម្ភខ្លាំងនោះទេ ព្រោះហ្វឹកហាត់ត្រៀមបានល្អនិងយូរគួរសម។

កីឡាករ រិន សារ័ត្ន

ចំណែកលោក ហ៊ុន ចាន់រាជ ដែលជាគ្រូបង្វឹករបស់ក្លឹបប្រដាល់ Cambodia Top Team បានឲ្យដឹងដែរថា និយាយពីសមត្ថភាពដៃគូរបស់កូនសិស្សលោកនោះ មិនជាខ្លាំងអ្វីណាស់ណានោះទេ បើប្រៀបធៀបស្នៀតប្រយុទ្ធវិញគឺចាញ់ រិន សារ័ត្ន តែម្ដងហើយអ្វីដែលចាប់អ្វីដែលចាប់អារម្មណនោះគឺរបៀបវ៉ៃរបស់ពួកគេខុសពីកម្ពុជាខ្លះៗ អាចជាការមិនធ្លាប់ដល់កីឡាករកម្ពុជា។

លោកគ្រូ ហ៊ុន ចាន់រាជ

រិន សារ័ត្ន រួមនិងលោកគ្រូ ហ៊ុន ចាន់រាជ នឹងត្រូវចាកចេញពីប្រទេសកម្ពុជាអំឡុងថ្ងៃទី៣១ ខែតុលា ឆ្នាំ២០១៧នេះ ដើម្បីចូលរួមប្រកួតមិត្តភាពអន្តរជាតិជាមួយម្ចាស់ផ្ទះភូមានាថ្ងៃទី៤ វិច្ឆិកា ខាងមុខនេះ៕

អត្ថបទ៖ នួន ស៊ីណា