គ្រូភូមា សរសើរយុវជនកម្ពុជាថា អាចស៊ីហ្វីលីពីនច្រើនគ្រាប់
- 2017-10-27 00:15:02
- ចំនួនមតិ 0 | ចំនួនចែករំលែក 0
គ្រូភូមា សរសើរយុវជនកម្ពុជាថា អាចស៊ីហ្វីលីពីនច្រើនគ្រាប់
ចន្លោះមិនឃើញ
គ្រូជម្រើសជាតិបាល់ទាត់យុវជន U-19 មីយ៉ាន់ម៉ាបានសរសើរក្រុមកីឡាករវ័យក្មេងរបស់កម្ពុជាមិនដាច់ពីមាត់ថា ចេះប្រមូលអារម្មណ៍ឡើងវិញបានល្អ និងមានឆន្ទៈខ្ពស់ក្នុងការវាយបករហូតទទួលបានជ័យជម្នះ។
លោក Chit Naing គ្រូបង្វឹកក្រុមបាល់ទាត់ U-19 មីយ៉ាន់ម៉ា បានឲ្យដឹងថា យុវជនកម្ពុជាមានទម្រង់លេងល្អទាំងតំបន់ការពាររឹងមាំ កីឡាករគ្រប់រូបមានឆន្ទៈខ្ពស់ក្នុងការប្រកួតដើម្បីយកជ័យជម្នះ ហើយចេះលេងសហការគ្នាជាក្រុមបានល្អទៀតផង។
គ្រូរូបនេះបន្ថែមទៀតថា លោកជឿជាក់លើក្រុមកម្ពុជាអាចឈ្នះនៅប្រកួតក្រោយពេលប៉ះ U-19 ហ្វីលីពីន ថែមទាំងអាចរកគ្រាប់បាល់បានពី ៤ ទៅ ៥ គ្រាប់ទៀតផង ព្រោះបើមើលពីកម្រិតបច្ចេកទេសកម្ពុជាខ្ពស់ជាង រួមផ្សំនឹងឆន្ទៈរបស់កីឡាករ ការការពាររឹងមាំល្អ និងការវាយបកលឿនទៀតនោះ លោកគិតថា U-19 កម្ពុជាឈ្នះហ្វីលីពីនយ៉ាងស្រួល។
យុវជន U-19 កម្ពុជា យកឈ្នះក្រុមភ្ញៀវភូមាដោយលទ្ធផល ៣-២ នៃប្រកួតទី២របស់ខ្លួនក្នុងវគ្គជម្រុះពូល G ពាន AFC U19 Championship ដែលបច្ចុប្បន្នមាន៣ពិន្ទុ ហើយសម្រាប់ការប្រកួតចុងក្រោយនោះគឺត្រូវប៉ះក្រុមហ្វីលីពីននៅថ្ងៃទី២៨ ខែតុលា ឆ្នាំ ២០១៧ ប៉ុន្មានថ្ងៃទៀតនេះ៕