ទោះលេងមិនចំ Role ដែលពេញចិត្ត តែ Ozil ថាប្រឹង ១០០% ដើម្បី Arsenal
- 2017-10-28 07:40:55
- ចំនួនមតិ 0 | ចំនួនចែករំលែក 0
ទោះលេងមិនចំ Role ដែលពេញចិត្ត តែ Ozil ថាប្រឹង ១០០% ដើម្បី Arsenal
ចន្លោះមិនឃើញ
កីឡាករសញ្ជាតិអាល្លឺម៉ង់ Mesut Ozil បាននិយាយថា រូបគេចូលចិត្តតំណែងជាអ្នកលេងនាំមុខ ពាក់លេខ១០ ប៉ុន្តែទោះបី Arsene Wenger ដាក់លេងតំណែងណា ក៏ខ្លួននឹងប្រឹង ១០០% ដើម្បីក្លឹប Arsenal។
"អ្នកគ្រប់គ្នាបានដឹងហើយថាតំណែងដែលខ្ញុំចូលចិត្តគឺពាក់អាវលេខ ១០ ជាកីឡាករនាំលេង បច្ចុប្បន្នគ្រូបង្វឹកឲ្យខ្ញុំលេងនៅស្លាបស្តាំ ហើយខ្ញុំត្រូវតែធ្វើតាមនិងដើម្បីបង្ហាញពីគុណភាពលេងរបស់ខ្ញុំនៅតំណែងនោះ"។ Ozil បាននិយាយ។
បើទោះជារងការរិះគន់នឹងការធ្លាក់ទម្រង់លេងយ៉ាងណាក្តី អតីតកីឡាករ Real Madrid និយាយថាលោកតែងតែប្រឹងលេងឲ្យអស់១០០% រាល់ការប្រកួតឲ្យក្រុមកាំភ្លើងធំ ខណៈសារព័ត៌មាន ព្រោងព្រាតបានចុះផ្សាយអំពីលទ្ធភាព ដែលOzil អាចនឹងចេញទៅក្លឹបបិសាចក្រហមនាទីផ្សារដោះដូរកីឡាកររដូវរងាខាងមុខ។
Ozil ពាក់អាវលេខ១០ទាំងនៅក្រុមជម្រើសជាតិ និង អតីតក្លឹបចាស់របស់ខ្លួន ប៉ុន្តែពេលមកដល់ Arsenal ក្នុងរដូវកាល ២០១៣/១៤ លោក Wenger បានឲ្យជម្រើសជាតិអាល្លឺម៉ង់ពាក់អាវលេខ១១វិញរហូតមកដល់បច្ចុប្បន្ន៕