អត្ថន័យសំខាន់ៗ បង្កប់ក្នុងបទ "Ready for it?" របស់ Taylor Swift (វីដេអូ)

2017-10-29 05:57:40
ចំនួនមតិ 0 | ចំនួនចែករំលែក 0

ចន្លោះមិនឃើញ

"Ready for it?" គឺជាវីដេអូចម្រៀងថ្មី១របស់ Taylor Swift ដែលទើបតែចេញជាផ្លូវការកាលពីប៉ុន្មានថ្ងៃមុនប៉ុណ្ណោះ។ មិនខុសពីបទ "Look What You Made Me Do" វីដេអូដែលមានរយៈពេលប្រមាណជាង៣នាទីនេះ បានបង្កប់សារដ៏គួរឲ្យចាប់អារម្មណ៍ជាច្រើនតាំងពីដើមរហូតដល់ចប់។ សារបង្កប់ទាំងនោះ ត្រូវបានយកមកជជែកជាហូរហែដោយអ្នកគាំទ្ររបស់នាង។

ទាំងនេះ គឺជាចំណុចពិសេសៗដែល Taylor បានបង្ហាញក្នុងវីដេអូចម្រៀងថ្មីរបស់ខ្លួន៖

១. ឆ្នាំកំណើតរបស់ Taylor និងសង្សារបច្ចុប្បន្ន

នៅពីក្រោយ Taylor គេសង្កេតឃើញមានលេខ 89 និង 91 ដែលនោះតំណាងឲ្យឆ្នាំកំណើតរបស់នាង គឺ ១៩៨៩ និងឆ្នាំកំណើតរបស់គូស្នេហ៍បច្ចុប្បន្ន Joe Alwyn ដែលកើតក្នុងឆ្នាំ១៩៩១។

២. តួអក្សរចិន ដែលបកប្រែថា "ពស់"

ត្រង់នេះបញ្ជាក់ថា Taylor កើតឆ្នាំម្សាញ់ ឬ ឆ្នាំពស់ ហើយពាក្យថាពស់នេះ ក៏ជាប្រធានបទសម្រាប់អាល់ប៊ុមថ្មី “Reputation” របស់នាងផងដែរ។

៣. ឈ្មោះសង្សារជាភាសាចិន

តួអក្សរចិនផ្សេងទៀតដែលមានន័យថា Joseph ហើយនេះគឺជាឈ្មោះពេញរបស់ Joe។

៤. Taylor ចុចប៊ូតុង ២ និង១

ត្រង់នេះគឺបង្ហាញច្បាស់ពីថ្ងៃកំណើតរបស់គូស្នេហ៍តែម្ដង ព្រោះ Joe កើតនៅថ្ងៃទី ២១ ខែកុម្ភៈ។

៥. លេខរៀងទី១៣ និងឈ្មោះរបស់ Taylor ជាភាសាចិន

អ្នកគាំទ្ររបស់ Taylor ពិតជាដឹងហើយថា ១៣ គឺជាលេខដែល Taylor ចូលចិត្តបំផុត។ ក្បែរគ្នានោះគេសង្កេតឃើញមានឈ្មោះរបស់នាងជាភាសាចិនផងដែរ។

៦. មានពាក្យពេចន៍អាថ៌កំបាំងជាច្រើន

ចម្ងល់ជាច្រើនបានកើតឡើងក្រោយឃើញពាក្យពេចន៍ជាភាសាចិនទាំងនេះ។ ដោយពាក្យទាំងនេះមានន័យថា "ភ្នែកទាំងអស់កំពុងសម្លឹងមើលយើង" “វាគ្រប់គ្រាន់ហើយ" “ខ្ញុំស្រលាញ់អ្នកដោយអាថ៌កំបាំង" និង "អ្នកពិតជាអស្ចារ្យណាស់"។ នេះអាចជាសាររបស់ Tay ដែលនិយាយទៅកាន់បណ្ដាអ្នកគាំទ្ររបស់នាង។

៧. សម្លៀកបំពាក់ពីក្នុងភាពយន្តល្បី២រឿង

Ghost in the Shell

ក្នុងបទនេះ Taylor បានតែខ្លួនជាតួអង្គក្នុងភាពយន្តល្បី២គឺ “Ghost in the Shell” និង “Tron of Legacy” ដែលឈុតទាំង២នេះ គឺជាប្រធានបទសម្រាប់វីដេអូចម្រៀងនេះផ្ទាល់តែម្ដង។

Torn

៨. និមិត្តសញ្ញាផ្លេកបន្ទោររបស់ Calvin Harris

ផ្លេកបន្ទោរនេះ ត្រូវបានគេកត់សម្គាល់ថាវាជាគ្របចម្រៀង “This is What You Came For” របស់អតីតសង្សារ Calvin Harris។ ចម្រៀងនេះត្រូវបាននិពន្ធឡើងដោយរូបនាង និង Calvin តែ Taylor Swift បានប្រើឈ្មោះថា Nils Sjoberg ជំនួសឈ្មោះពិតវិញ។

គ្របចម្រៀង “This is What You Came For”

៩. អត្ថន័យរួមរបស់ MV

សម្រាប់អត្ថន័យទាំងមូលរបស់វីដេអូចម្រៀងនេះ ត្រូវបានគេកត់សម្គាល់ថា Taylor បានបង្ហាញពីសេរីភាពផ្ទាល់ខ្លួន ពីរូបភាពដែលប្រព័ន្ធផ្សព្វផ្សាយបាននិយាយពីនាង។ ពីមុនរូបនាងត្រូវបានឃុំជុំជិតដោយទ្រុងកញ្ចក់ ដែលចាំបាច់ឲ្យសាធារណៈជនត្រូវវែកញែក និងគ្រប់គ្រងពីរូបនាង។ នៅពេលនេះ ម្ចាស់បទ “You Belong With Me” បានហែកទ្រុងនោះជាមួយនឹងថាមពលដ៏អង់អាចរបស់ខ្លួន៕

ទស្សនាបទ "Ready For It"៖