នី រតនា បំភ្លេចមិនបានហេតុការណ៍កើតឡើងនៅរាត្រីថ្ងៃទី ១ ខែ វិច្ឆិកា

2017-11-01 03:03:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាក្នុងពេលនេះបទចម្រៀង និង កេរ្តិ៍ឈ្មោះ នី រតនា ត្រូវបានមហាជនទាំងក្នុងក្រៅប្រទេសស្គាល់ច្រើនក្ដីក៏អតីតបេក្ខជន Cambodian Idol រូបនេះមិនអាចបំភ្លេចបានចំពោះហេតុការណ៍កើតឡើងនៅថ្ងៃទី១ ខែ វិច្ឆិកា ឆ្នាំ ២០១៥ កន្លងទៅ។

ទាក់ទងហេតុការណ៍ខាងលើនេះ នី រតនា បានប្រាប់ Sabay ថា ថ្ងៃទី ១ ខែ វិច្ឆិកា គឺជាថ្ងៃមួយដែលខ្លួនមិនអាចបំភ្លេចបានក្នុង១ឆាកជីវិតនេះ ព្រោះវាជាថ្ងៃជោគជ័យបានកែប្រែជីវិតលោកពីមនុស្សធម្មតាម្នាក់ ទៅជាមនុស្សថ្មីម្នាក់ទៀត ដោយទទួលបានការចាប់អារម្មណ៍ពីសំណាក់មហាជនទាំងក្នុង និងក្រៅស្រុក។

ម្ចាស់បទ"មហាឈឺ" បន្ថែមថា ក្រៅពីធ្វើឲ្យសាធារណៈជនស្គាល់ហើយនោះថ្ងៃទី ១ ខែ វិច្ឆិកា ក៏ជាថ្ងៃមួយបានជួយយឹតយោង ជីវភាពគ្រួសាររបស់ខ្លួនរស់នៅបានសុខស្រួល បើប្រៀបធៀបមុនពេលលោកក្លាយជាម្ចាស់ពានរង្វាន់លេខ១ក្នុងកម្មវិធី Cambodian Idol រដូវកាលទី១ គឺខុសគ្នាឆ្ងាយ។

“ខ្ញុំមិនដែលបំភ្លេចទេបងឲ្យតែដល់ថ្ងៃទី១ ខែ វិច្ឆិកា គឺខ្ញុំតែងតែនឹកឃើញជានិច្ច ព្រោះជាថ្ងៃជោគជ័យរបស់ខ្ញុំ ហើយខ្ញុំមានឡានជិះដូចសព្វថ្ងៃនេះ ក៏ដោយសារតែកម្មវិធី Cambodian Idol នេះដែរ ដូច្នេះខ្ញុំសូមអរគុណដល់ទូរទស្សន៍ហង្សមាស ព្រមទាំងផលិតកម្មហង្សមាស ដែលធ្វើឲ្យខ្ញុំមានថ្ងៃនេះ"។ នី រតនា រៀបរាប់៕

ចុចអានព័ត៌មានពាក់ព័ន្ធជាមួយអ្នកសិល្បៈខាងក្រោម៖

អវត្តមានក្នុងខ្សែភាពយន្ត ១ទសវត្សរ៍ ម៉េង ប៊ុនឡូ វិលមកវិញជាមួយស្នាដៃថ្មី

ផលិតករស្រីវ័យក្មេង ចំណាយថវិកាផ្ទាល់ខ្លួន ផលិតកុនខ្លីនិយាយពីភ្លើងស្នេហ៍ក្នុងសម័យវាលពិឃាត

អត្ថបទ៖ ឆុង ស៊ីណាន