ពិតទេ Facebook លួចស្ដាប់សំឡេងអ្នក ដើម្បីតម្រង់ពាណិជ្ជកម្មឲ្យត្រូវទិសដៅ?

2017-11-01 02:57:50
ចំនួនមតិ 0 | ចំនួនចែករំលែក 0

ចន្លោះមិនឃើញ

មានផ្ទាំងផ្សព្វផ្សាយពាណិជ្ជកម្មជាច្រើននៅលើបណ្ដាញអ៊ីនធឺណិត ផ្សព្វផ្សាយមកចំគោលដៅអ្នកកំពុងត្រូវការ។ ឧបមាក្នុងចិត្តអ្នកកំពុងគិតថាចង់ទិញកុំព្យូទ័រ ចៃដន្យអីនៅពេលបើក Facebook រមែងឃើញតែផ្ទាំងផ្សព្វផ្សាយពីកុំព្យូទ័រលោតមករហូត ម្ល៉ោះទើបមានមតិមួយបានលើកឡើងថា Facebook លួចស្ដាប់សំឡេងសន្ទនាប្រចាំថ្ងៃរបស់អ្នក តាមរយៈរន្ធស្រូបសំឡេង (Mic) នៃទូរសព្ទ ក្នុងគោលបំណងផ្សាយពាណិជ្ជកម្មឲ្យត្រូវទិសដៅ។

កុំឲ្យរឿងចចាមអារ៉ាមរីករាលដាល់កាន់តែធ្ងន់ធ្ងរ អនុប្រធានផ្នែកផ្សព្វផ្សាយពាណិជ្ជកម្ម Facebook លោក Rob Goldman បានច្រានចោលជុំវិញបញ្ហានោះ ដោយលោកបានឆ្លើយថា នោះគ្រាន់ជារឿងចៃដន្យប៉ុណ្ណោះ។ ជាទូទៅមានផ្ទាំងពាណិជ្ជកម្មជាច្រើន បានលោតបង្ហាញជារៀងរាល់ម៉ោង ប៉ុន្តែអ្នកមិនបានចាប់អារម្មណ៍។ ក្រោយមកនៅពេលដែលអ្នកចង់បានផលិតផលអ្វីមួយ ហើយឃើញភ្លាមៗ ក៏ចាប់ផ្ដើមមានគំនិតសង្ស័យបែបហ្នឹង។

មិនមែនតែ Facebook មួយនោះទេ ដែលមហាជនភាគច្រើនជុំវិញពិភពលោក កំពុងខ្វាយខ្វល់ពីបញ្ហានេះ ទៀតសោតទាំងក្រុមហ៊ុនផលិតស្មាតហ្វូន ក៏មានខ្លះជឿថាជារៀងរាល់ថ្ងៃ វាបានលួចប្រមូលទិន្នន័យទាក់ទងព័ត៌មានផ្ទាល់ខ្លួនពីអតិថិជនរាប់លាននាក់។

អានអត្ថបទបន្ទាប់

ប្រភព៖ DigitalTrends ប្រែសម្រួល៖ កៅ រក្សា