ដឹងតម្លៃប្ដូរអេក្រង់ iPhone X លែងហ៊ានប្រាថ្នា

2017-10-31 02:05:20
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone X ត្រូវបានគេស្គាល់ជាស្មាតហ្វូនរបស់ Apple ដំបូងដែលមានតម្លៃខ្ពស់បំផុត ដល់ ៩៩៩ ដុល្លារ។ លក្ខណៈពិសេសគឺវាស្រោបដោយអេក្រង់ផ្ទៃពេញ Edge-to-edge, ប្រព័ន្ធដោះសោប្រើផ្ទៃមុខ FaceID និងមុខងារសាកថ្មឥតខ្សែ Wireless Charge។

ទាំងកញ្ចក់ផ្នែកខាងមុខនិងក្រោយ ជាប្រភេទ Corning Gorilla Glass 5 ជំនាន់ចុងក្រោយបង្អស់ ម្ល៉ោះហើយមានការបង្ហើបប្រាប់ថា ករណីបើអេក្រង់ iPhone X ធ្លាក់បែកនឹងត្រូវចំណាយអស់ ២៧៩ ដុល្លារ លក្ខខណ្ឌនៅមានប័ណ្ណធានា តែបើដាច់ប័ណ្ណធានា នឹងត្រូវបង់ថ្លៃជួសជុលដល់ទៅ ៥៤៩ ដុល្លារ ឯណោះ ថ្លៃនេះស្មើពាក់កណ្ដាលនៃទូរសព្ទ។ ក្នុងជម្រើសមួយទៀត បើអ្នកទិញកញ្ចប់ Apple Care+ ក្នុងតម្លៃ ១៩៩ ដុល្លារ ថ្លៃជួសជុលអេក្រង់នឹងត្រូវចំណាយតែ ២៩ ដុល្លារប៉ុណ្ណោះ តែបើបែកស្រាំទាំងស្រុងត្រូវចំណាយ ៩៩ ដុល្លារ។

iPhone X បានបើក Pre-Order នៅទីផ្សារសហរដ្ឋអាមេរិកកាលពីប៉ុន្មានថ្ងៃមុន ហើយនឹងមានដល់ដៃអតិថិជននាថ្ងៃទី ៣ វិច្ឆិកា។ គូប្រជែងធំៗរបស់ iPhone X មាន Galaxy S8/Galaxy Note 8 របស់ SAMSUNG, Pixel 2 របស់ Google និង V30 នៃក្រុមហ៊ុនកូរ៉េខាងត្បូង LG។

អានអត្ថបទបន្ទាប់

ប្រភព៖ ibtimes ប្រែសម្រួល៖ កៅ រក្សា